<網上交友的第一次> 憑感覺愛上你: 第十八篇：..........（二）

來得容易，去得突然。以上嘅事.....係補償嗎？我曾經希望過，既然不能回到過去，不如索性來個令我傷害減到最低嘅總結，

難道依個就係你比我嘅總結嗎？係你一早plan定的嗎？其實你有無顧念過我地曾經有嘅1年感情？你是第一個對我絕情的男

人。



 既然Kyle無覆我，我唯有check FB，第一時間我嘅手指向電話嘅右邊撥一撥，係我慣常check下邊個on緊line嘅習慣。我訥咗

一眼，我個心開始加速好快。屬於Favorite side嘅Kyle竟然唔見咗佢個名。我立即search佢嘅FB account，我搵唔到佢...... 我嘗

試喺FB messenger message 佢。

『Hey』



 我轉至viber send message 比佢.....







返到公司，Katy，Ada，Jessica，三個都望住我，之後就拉咗我去茶點間.....

Katy：『阿榮話Kyle辭咗職，究竟發生咩事？』

Ada：『佢有無向你提起？』

Jessica：『喂，你唔係唔知呀嘛』





『...............』

我心入面答佢地：唔知，無，係，我真係唔知。我慢慢開whatsapp比佢地睇，再開FB比佢地睇，所有事盡在不言中，佢地都

明白。喺佢地面前，我忍唔住喊了........ 但其實，我好嬲。嬲到喊，唔知你地試過未？

為免其他同事見到，Ada立即關咗對門

Katy：『你有無試過call Kyle？』

我擰頭....

Katy：『傻妹嚟嘅，打去問下嘛，我幫你打』

Jessica：『點呀？有無人聽？』





Katy：『號碼不存在』

Katy：『我whatsapp佢試下』

Ada：『電話都不存在，你what乜鬼啫』

Katy：『仲有Facebook！』

Katy：『佢....block埋我』

Ada：『我都係』Jessica：『條粉腸！我咁大個女第一次比人block！』

我：『我....點算？』





Ada：『你終於肯講野嗱？』

我：『佢話過.....我會好憎佢』

Katy：『陣間 lunch time我地陪你落去搵阿榮，佢同Kyle咁熟，佢應該知架，你依家返埋位先』

我：『嗯』

_______________________________________

阿榮：『唔駛問我了，佢連我都block埋』
_______________________________________                                                                                           

返到座位，我真係好唔甘心點解要喺毫無解釋下比心愛嘅人block。我用我阿媽嘅FB account做咗一個試驗，我發現佢嘅FB還

存在，唯一改變嘅係改咗相，係佢一年前影嘅相。我相信佢咁做嘅目的只有一個：一切打回原形，回到過去唔識我嘅日子。







點解你要咁絕情？