<網上交友的第一次> 憑感覺愛上你: 第十三篇：發生了什麼事？

過咗一日又一日，計Kyle所講，佢應該返到香港。我曾經whatsapp過佢幾時返，但佢自從果日後，無再上線了。我好急，我

唔知佢會幾點到香港。喺工作期間，我嘗試打佢手機，但係佢手機關咗。果一刻，我唔怕Kyle會無端端離開我，但我怕Kyle有

事瞞住我。放工後，我即刻去Kyle屋企，我按咗幾次門鐘，但無人應。我深信Kyle一定會返嚟，所以我坐係佢樓下大堂等。

一個鐘，兩個鐘.....

『鐘生，你好』





看更嘅稱呼吸引到我，我抬起頭睇，係Kyle，令我擔心咗好耐嘅鐘俊熹終於返到。我即刻跑到佢面前，攬住佢，佢大概比我嘅

出現嚇到了。

『Kelly，點解你會喺度？』

『我擔心你啊，我唔知你幾時會返，所以我坐咗喺度等你』

『你等咗好耐喇？』





『我一放工就嚟搵你喇』

『夜喇，今晚你喺我度訓』

『嗯 』

返到Kyle屋企，我即刻問Kyle究竟發生咩事走得咁急，不過佢好冷淡講咗句

『無事，我沖涼先』





我個心突然好不安，我總係覺得Kyle有事唔講我知。由於等Kyle返黎等得耐喇，我從Kyle嘅廚櫃攞咗盒杯麵食。食緊嘅時候，

望住Kyle正在沖緊涼嘅廁所門口，我覺得我同Kyle嘅距離變得越來越遠，因為Kyle好多野我都唔知，而且我直覺話我知將會有

唔好嘅事發生。Kyle沖完涼，佢眼望一望我，對我看似苦笑咗一下就返咗佢間房。食完麵，我行到佢間房門口，見到佢上緊

網，佢應該知我望緊佢，但佢無同我講任何嘢。Kyle嘅衣櫃長期擺放咗我2套睡衣同埋幾件衫褲，我入到Kyle間房，就攞咗套

睡衣後沖涼。花灑頭嘅水沖滿我成身，由頭淋到隻腳，我盡量說服自己唔好亂諗野，同埋不斷同自己講

『Kyle攰啫，無野嘅，無事架』

沖完涼，返到間房時，燈光熄淨一個，Kyle已經上床訓咗。我訓到佢隔離.....

『Kyle』我點一下佢膊頭





佢無應 『Kyle』我再次點佢膊頭

『我攰了，有咩事聽日再講』

『唔係呀，我擔心你呀，你有咩事同我講啦』 『都話無事囉！聽日再講啦！我訓啦』

我聽得出Kyle嘅語氣有啲唔耐煩，而且喺咁靜嘅夜晚上，佢講野既聲量顯得有啲大，我比佢嚇到了。Kyle從來無試過咁大聲同

我講野，唔通佢真係太攰嘅關係？我煩到佢，所以佢先咁唔耐煩？

第二日，我同Kyle搭地鐵返工，我已經唔敢再問Kyle了，全程我都無出聲。我哋企係火車嘅開門門口側邊，而Kyle企我對面，

突然間佢同我講....





『對唔住，琴晚發你脾氣了，你唔駛擔心，我無事，我去溫哥華因為我阿媽突然病得好嚴重，我要趕返去睇佢』

『伯母依家點呀？』

『情況好返啲，應該無事』

我終於從Kyle口中得知佢父母住喺溫哥華，係我同佢拍咗9個月拖後先知道。我真係唔明，唔通我唔問佢屋企嘅事，佢就唔會

講我知？