<網上交友的第一次> 憑感覺愛上你: 第九章：在地下鐵碰著他

  ↵『Kelly，你係邊呀？』

『Kyle？我依家先喺太子站等緊火車咋，死啦，實遲到啦，死人港鐵！偏偏朝早先嚟壞車！』

『你出地面搭的士啦，咁搞法你果每個月$300bonus就無架喇』
（公司新例：無遲到，$300 獎賞）

『我夠知咯，不過依家肯定出面大把人等緊的士，輪得嚟，都通返車喇』

『使唔駛我喺車站等埋你先一齊上去呀？』

『唔駛喇，我唔想連你果$300都無埋。啊！好痛呀！』我比人撞一撞

『咩事呀！你整到呀？』

『嘩，痛死啦，唔係呀，頭先有個男人行得好急，撞到我隻手啫』

我一路夾住電話一路按我個手臂

咦，地下有袋野嘅？我好奇睇一睇，入面有個深寶藍色嘅禮品盒，另有一張咭片，um…..





應該係頭先果位先生跌咗，公關助理 王偉廉，我係咪應該call返佢呢？不過都係等陣先。

返到去公司樓下，原來Kyle等緊我

『傻瓜，做咩等埋我先上去啫，你睇下，遲咗10分鐘啦』

『你傻都未到我傻呀，我打咗卡，先落嚟接你嘅』

『係咩，快d行啦咁，嘻嘻』我一路行一路推Kyle





同Kyle一個深情嘅吻别，我就繼續搭lift返office。啱啱埋位無耐，就比Katy召去開會

Katy：『嚟緊有大客，需要商場搞function，整banner，錄一個15分鐘嘅微電影，今次係sell運動，依到係客嘅要求，時間為1個月.......』 心諗：唉....又要開OT

暴風雨嘅前夕總係風平浪靜，就好似我依家咁，輕輕鬆鬆喺茶水間沖杯咖啡，坐係張凳度小休10分鐘。不過，聽日開始就要

跟個大project，想9：00前返到屋企根本無可能。

Katy：『就比你嘆埋今日啦，往後有排你捱，你份job真正嘅挑戰聽日先開始』啱啱走入茶水間

我：『我已經入咗嚟依間公司一段日子，你覺得我做成點呀？』

Katy：『做咩咁問？你想轉工呀？』





我：『唔係，問下啫，我總係覺得我好似冇乜付出過啲乜咁』

Katy：『付出咗你唔知啫，無咗少少嘅付出，根本無可能成事，係咪？』

我：『唔，你都幾有道理』

Katy：『喂，你就嚟生日喇喎，想點慶祝先？』

Jessica：『傾緊咩，又唔預我』

Jessica 同Ada都走埋入嚟

Katy：『Kelly仲有幾日就生日啦，咪問下佢想點慶祝囉』

Ada：『正日緊係要同Kyle一齊架啦』





我：『果日我實要開OT啦』我一副扁晒嘴嘅樣『不過Kyle話佢會陪我』

Jessica：『某人識做啦』我地3個都齊齊望住Katy

Katy：『嗱，我公私分明架，果日做唔晒唔准走，最多比少啲野你做』

我：『嘻嘻，果然係好姊妹』

Katy：『當然，咁啲野分比依2隻野多啲啦』

Ada：『我地都係好姊妹喎』Jessica係咁點頭：『係囉係囉』

Katy：『你地都係好員工！』一路奸笑一路講





Ada：『咁你想我地點同你慶祝先？』

Jessica：『等我帶你去新嘅酒吧慶祝一番啦，到時嚟個 table for six，正！一於咁話啦下』

Katy：『Table for six，你自己1對5啦！不過幾時去慶祝先？

Jessica：『咁咪前一日囉』




 果袋野，我好自然放咗落櫃入面，我已經忘記咗我要聯絡張卡片嘅人。放工後，就由佢喺櫃入面。正確啲黎講，當時嘅我已經

忘記佢嘅存在。當然，我一日唔開果個櫃，我就唔會記得。對我無關痛癢嘅事，我想記都記唔嚟。不過，對我刻骨銘心嘅事，

我想忘記都忘記唔到。