動漫節特別推出：《動漫世界大冒險》: 《動漫世界大冒險》第六回

第六回
「嘩啊！！想打死人咩！」我的臉頰已經腫脹起來。
 
「小櫻停手。」卡卡西冷靜地道。鳴人從後伸手穿過小櫻的腋下，向上扣住她的胳膊，把她拉開。
 
「你岩岩講咩唔係呢個世界既人？仲有咩係動漫世界？」卡卡西疑惑地問。
 
「你想知咩？咁放開我先啦，綁住我好唔舒服呀。」
 
「咁算啦，我唔想知啦，我將你交比暗部處理啦。」卡卡西竟毫不妥協。以我所知暗部是個特殊部隊，大概就如美國的中央情報局。特工擁有的權限之高和審訊疑犯的手法恐怕非常人所能想像……要是我被交到暗部……




 
「唔……唔洗咁既……我講我講！」無能的人在強者面前只會變得更無能。
 
「我原本係生活係現實世界，果到冇忍者，冇忍術。有既只係科學。我地會睇電視、玩電腦，玩手機。而你地係動漫世界，即係我地既人用筆畫出一格格既圖畫組合成既故事。」我發現原來要描繪「世界」這個名詞的意義是很難的。
 
「你即係話我地只係你地虛構既人物？呢種講法實在太好笑啦！」鳴人放開了小櫻。
 
「你仲唔係狡辯？咁既故仔都作得出呀！唔係以為我地會信你呀？」小櫻又想打過來，但再次被鳴人拉住。
 
「如果咁講，你又點知你所謂既「現實世界」係現實世界，而唔係另一個世界既人畫你地出黎？」卡卡西居然如此有哲學頭腦。




 
「不過我信你。」卡卡西解開綁住我的繩索。
 
「佢講大話架咋！」小櫻仍不打算放過我。
 
兩小時之後，我跟隨他們來到風之國的一條小村外的一個大沙丘上。我已經極度疲累，而且渾身臭汗。因為他們忍者的跑步速度和行動實在太快太靈敏了。我若非平常有跑步練習，而且受過蛭魔的地獄訓練，根本就不可能跟得上他們。
 
「我地已經好慢咁『就』你架喎，點解你都仲係咁辛苦咁既？」鳴人露出天然呆的表情。
 
這裡是荒漠帶，只有很少的植物生長。還好有一片綠洲，帶來生氣，帶來希望。看著這片綠洲，我彷彿覺得自己只是來了一趟奇妙的旅程，與危險、恐怖，死亡沾不上半點的關係。希望這不是一時的錯覺吧……




 
「我地今次既任務係偵查一個秘密既實驗室，我地盡量唔好露面同對手交戰。」卡卡西解說。
「係咪即係大蛇丸搞個啲咁？」以我記憶《火影忍者》的劇情中，多數都是大蛇丸進行什麼咒印的實驗。
 
「你睇黎真係知道好多咁喎。」卡卡西笑道。我瞇起眼遠望前面的村落，那裡只有寥寥幾十人、又沒有奇怪的設施，而且都是民風樸素的村民，哪像作姦犯科的惡人呢？
 
束！
 
卡卡西一手將我壓在地上，一柄手裡劍劃過冷漠無情的沙塵，可憐地插入黃砂上。而我更可憐地吃了幾口炙熱的砂石……
 
「鳴人、小櫻！小心啲，對手能夠睇穿我地既隱身術，一定唔係普通既研究員。」卡卡西收起了那個藏在面罩下的笑容。
 
束！束！束！束！束！
 
嘩！要死了！要死了！




 
待續