動漫節特別推出：《動漫世界大冒險》: 《動漫世界大冒險》第五回

第五回
我一會兒之前明明在《衝鋒21》的世界，但現在卻在《火影忍者》裡？眼前站著的竟是卡卡西、鳴人和小櫻？我定是瘋了！沒可能，我完成任務好應該回到現實吧？怎麼辦？我又不懂忍術，連查克拉都沒法提煉，怎樣完成任務？
 
「你究竟係咩人？潛入黎呢到做咩？」小櫻首先發問。
這裡看來是個帳篷，地上是黃砂。帳篷裡除了他們三人外，就只有被綁住的我。帳篷掛上火把，而且入口傳來幽幽的黑暗，相信現在是夜晚。這也不似是木葉村，要是在村內，這應該是屋而不是帳篷。
 
「Hi小櫻！我自己都唔知點解黎左呢到。」
 
「你識我？」小櫻驚訝地問。
 




「我仲識鳴人同卡卡西添。」
 
「睇黎敵人既情報都唔少喎，知道晒我地既名。」卡卡西冷冷地說。
 
糟糕！他們居然以為我係敵人？不是嘛，他們隨便擲出一柄手裡劍都能殺死我吧。我應該怎樣解釋呢？現在的劇情算是第幾話呢？看鳴人的裝束，橙色長褲加上黑色長袖至拉鍊位和橙色底的上衣，現在佐助一定已經離開了。而小櫻表面堅強，但眼裡還藏著軟弱的神態，她也應該拜了綱手為師。至於卡卡西……他好像十年如一日。但不知道佐助現在究竟去到什麼情況。
 
「卡卡西老師，你唔係話佢身體冇製造查克拉，甚至連脈絡都冇打通咩？佢根本唔識忍術，可能只係一般既村民啫。」鳴人瞇著眼睛，仔細地觀察我。
 
「都有可能係佢用術隱藏左能力。」卡卡西說。
 




「唔嚴刑佢都唔會講架啦！」小櫻一拳打落我的胸口。
 
隆！
 
「咦？佢有著護甲呀，一般村民點會著護甲呀？仲有，佢既奇裝異服根本就分辨唔到佢係邊國既人。」小櫻揪住我的衣領說。
 
還好我身上還穿著美式足球護甲，要不然就此被幹掉了。可惜連護甲都已成碎片，頹廢地散落在這無奈的黃砂上，默默地為我祈禱。
 
「如果你從實招來，我地會將你帶返去交比村議會慢慢審議，如果唔係就就地處決你！」卡卡西即使只用單眼也足以震懾我。
 




「卡卡西！我知你地好勁，就算最廢既小櫻唔用忍術用體術都屈我機，但可唔可以冷靜啲先，我而加就解釋！」我突然覺得自己的膽子前所未有般大。
 
「你話邊個廢呀！！啪！」小櫻憤怒的巴掌在我的面上刻下了一個難以磨滅的紅印。
 
「我唔係話你廢……」
 
啪！！
 
「仲講廢？！」
 
「都話唔係廢……」
 
啪！！啪！！
 
「廢？！！」




 
「X你！打X夠未呀！」我兩邊臉頰的痛楚終於把我的怒火引出來。
 
「我唔係呢個世界既人呀！我只係食緊黑心麥當當既時候比唔知咩吸左黎動漫世界咋！！關我X事咩！而加算點呀！我知我係廢柴、讀書又唔叻，又唔識做野搵唔到錢。我只係個冇用鬼咋，我乜都唔識，又細膽又頹廢。但我可以點呀？我黎到呢個世界就係為左比你打呀？係咁既話就打死我啦！我都唔想做人啦！！」我沒想到我竟會如此激動地表達自己的感情。不過這下他們應該會諒解我吧？
 
啪！啪！
 
「仲想狡辯！？」
 
待續