圍城 上冊 “香港篇”: 第四話

**第四話**
劉軒宇同2名徒弟係公園南路一住宅花園［御景峰］外公園引出喪屍後便將劍齒虎駛入御景峰，劉軒宇手持長警棍及圓盾自行落車向2名徒弟叫道“關鐵閘”2名徒弟即時入保安室用警署飯堂拎出嘅牛肉刀斬下保安室內2名喪屍保安員頭顱，並開始關上花園圍牆鐵閘。而劉軒宇就用長棍打花園內其餘喪屍頭顱。
經過2個小時後，住宅內喪屍已被清除。“今晚係劍齒虎上休息先，等天光後我去搵糧食做儲備”2名徒弟點頭回應劉軒宇。
2024年6月14日早上11點
劉軒宇帶2名徒弟駕駛住劍齒虎係元朗市開始進行搜索。
“我地落車入商場超市搵凍肉同米糧上車”劉軒宇係yoho停車場落車步入商場，商場異常寧靜，商場內喪屍均站立未有郁動。
劉軒宇同2名徒弟安靜咁進入超市內並背上2包白米及少量凍肉。突然超市內有1支沐浴露跌落地下，大量喪屍隨即衝入超市，劉軒宇即時反應帶2名徒弟從超市後門走，沿途拔槍槍擊追上黎嘅喪屍並叫道“龍，上劍齒虎著車”狄青龍本身係短跑選手，故佢極速跑落後樓梯打開防煙門，上劍齒虎著車，尾隨嘅劉軒宇及花錦榮就步出防煙門後即時將防煙門關上。劍齒虎駛到劉軒宇及花錦榮身旁後2人即時跳上車，劍齒虎便飛馳離開商場。
此時商場中庭播出即時新聞“政府呼籲市民，政府全面戒嚴，不要外出接觸暴民‘’