圍城 上冊 “香港篇”: 第三話

**第三話**
2024年6月14日凌晨3點。
劉軒宇，34歲，係元朗警署當值夜班CID沙展工作，依日係佢被O記總督察調走後第7日，這時份元朗警署內只有不多過10人當值。
劉宇軒同佢2名徒弟狄青龍同花錦榮係接到報案室通知有人稱俾人咬傷要CID接手調查。
“宇哥，你幾時先去識返個女仔呀，你再咁搞遲早變毒男”狄青龍笑著同劉軒宇講。
“關你尻事咩，去做嘢啦，睇下報案室拍咩Case上黎啦，無嗱嗱咬咩人呀”劉軒宇帶住狄青龍同花錦榮行去報案室。
“咩聲黎，咁似啲喪屍片咬人聲嘅？”花錦榮遲疑咁望住劉軒宇。
劉軒宇打開報案室門口，發現有1名身穿染有大量血跡T-恤嘅男子正噬咬緊1名報案室長官，而其餘卧於地下嘅3名警員已經開始而奇異嘅動作咁郁動。劉軒宇即時知道事態嚴重，佢靠當年係情報科行動組嘅訓練作出即時反應，單手拔槍，連發5發子彈先後擊中報案室內5人頭部，及單手撥開狄青龍及花錦榮到門外，而報案室內5人即時停止動作。
“仆街，喪屍黎”劉軒宇望向2名徒弟講。
“走，睇下仲有無生還者”劉軒宇帶住2名徒弟開始係警署內搜索，並且清除餘下2名係飯堂嘅喪屍警員，而電視正播放著即時新聞“香港突發出現暴徒破壞，政府呼籲市民留係安全地方，等候救援”




“痴根，明明係喪屍，點會係暴徒呀”狄青龍向劉軒宇講。
“走，榮，你去槍房拎武器”“龍你去拎劍齒虎”劉軒宇向2名徒弟下達2度簡單命令，2名徒弟知道佢師父2度簡單嘅命令絕對唔係講玩，所以即時去執行。
劉軒宇就係飯堂內收集所有可保存食物。並到劍齒虎會合2名徒弟。
“宇哥，我地依架可以去邊到”2名徒弟凝視著劉軒宇。
“公園南路吧，果到人少，住宅花園外又有圍牆，適合生存居住”劉軒宇駕駛住劍齒虎向公園南路出發。