《A》: 9

【我認罪，願意為自己嘅行為負責。】




兩張認罪協議，簽名同字跡都唔同。








我親手簽咗兩次，同一句寫咗兩次。




以前為咗維持同一個人，我要學識複製另一個人嘅字跡，佢嘅字體大而張狂、我嘅小而方正。








其實我哋都好多嘢都唔似，點解由細都大，我都要被佢抹去痕跡，只可以成為佢嘅替身。




今次換佢要做我嘅替身，畀佢知道我有痛，有幾苦。








「我無簽到，我無做錯過，放我出去啊！




真係癡線嘅人係佢，有病嘅人都係佢，我無病我係正常人！




點解你哋要信佢啊放開我—」








〖無限期醫院令〗




「認罪唯一條件，醫好佢，我要佢行得返出去」




用我嘅名，又一次承認佢嘅錯誤，然後就完成佢畢生嘅心願—








成為我。




我要佢，必須承受返佢畀過我嘅惡意，一生一世，永不分離。