森の浪人去旅行 #6 #7: 森の浪人去旅行 #7
森の浪人去旅行 #7
前言：
呢個係加長版，免費放送。
#8 #9 加長版 Season 1 結局
https://www.patreon.com/posts/sen-nolang-ren-8-123367692?utm_medium=clipboard_copy&utm_source=copyLink&utm_campaign=postshare_creator&utm_content=join_link
投票：轉彎定直行（請使用你專屬嘅gmail。）
https://www.patreon.com/posts/tou-piao-di-7ji-123367383?utm_medium=clipboard_copy&utm_source=copyLink&utm_campaign=postshare_creator&utm_content=join_link
正文：
高瘦嘅身材、著住短衫褲戴住頭盔踩電單車嘅Tania有一種特別可愛嘅感覺。
Tania：路程有啲遠，坐電單車會好啲。
Tania講完就將一個頭盔遞咗畀我，又講：你個頭咁大，呢個大頭盔應該啱你。
我對Tania嘅講法有啲不滿：我點算頭大啊？
Tania：我就係覺得你個頭好大。
雖然Tania咁講，我戴上咗個頭盔之後，又覺得個頭盔都算啱我size喎。不過，睇嚟我要坐後座，咁嘅話，我豈不是要攬住Tania？
Tania：你坐後座啦，攬住我條腰就可以喇。
唔係掛？佢一身model身材，條腰本來就細。繼上次同Chiara嘅面部接觸，同埋Tania𡃶咗我一啖之後，攬住Tania條腰，絕對係再一次打破我嘅紀錄。事關坐後座嘅我，反而覺得自己先係真正揸緊車嗰個。Tania，喺你嘅主場，我唔識路，會橫衝直撞㗎，你真係畀我坐你後座？
我有啲唔好意思，Tania可能都feel到。
Tania即刻講： 你就想喇，搭住膊頭啦。
呢啲咁嘅情況，我作為男士都係聽佢講，照做好啲。
我坐喺後座，搭住Tania嘅膊頭，佢就開車。
搭住Tania膊頭嘅觸感，令我完全集中唔到欣賞一路上佛羅倫斯嘅古典風光。
我有啲唔知自己應該發幾大力去搭住Tania嘅膊頭，感覺搭住膊頭同扶住腰其實分別不大。加上，有啲時候搭住膊頭會比扶住腰有更加實在嘅駕駛感覺，都係充滿尷尬。
Tania突然問我：想唔想開快啲啊？
我無乜所謂：好啊。
Tania：咁扶好喇。
我唔知坐咗幾耐，Tania就收油，又講：就到喇。
再過一陣，我哋就停咗落嚟。
Tania突然嚇咗一跳，雖然我都知我哋係到咗藝術展門口，但問題係原來今日藝術展唔開！
Tania見到咁嘅情況，令佢非常尷尬。
Tania：對唔住啊，山長水遠嚟到，我無check清楚，對唔住啊！
我當然都覺得有啲失望，不過藝術展本來都只係bonus，對我嚟講其實無咩實際損失，反而都係集中幫Tania解除尷尬感仲好。
我：無藝術展唔緊要啦，如果唔係你，我都唔會有機會嚟到呢度啦。我諗我淨係識留喺遊客區。
Tania仲係好尷尬：...
我：唔...不如我哋周圍行下？
Tania：呢度無咩好行㗎。
我：又未必嘅，對遊客嚟講，可能都好多嘢睇嘅。
我哋開始周圍隨意行咗一陣，我就發現呢啲非遊客區嘅地方先至舒服。
轉到某個街角，Tania就醒起附近一間出名嘅Gelateria。
今次我就大膽直接提佢小心自己嘅食物敏感，佢無好次嗰次咁發脾氣，反而好乖乖咁聽我嘅說話。
食緊Gelato嘅時候，Tania再次為藝術展嘅事道歉，我就再次多謝佢令我可以嚟到呢度。
今次睇嚟真係幫到Tania相信我真係鍾意咁樣嘅輕鬆遊覽，無藝術展都無關係。
Tania突然話：我覺得好似又畀你救咗一次。
我其實唔係好明佢嘅意思，因為我根本唔覺得自己有救過佢，只係好普通咁講：哦？咁都算救咗你啊？
雖然無咗藝術展，但我發現呢區其實都隱藏住唔少藝術嘅舖頭，好多可能仲係藝術家屋企，社區氣氛非常之好。
回程嘅時候，Tania突然問我：其實你識唔識踩電單車㗎？
我：我其實喺香港有電單車牌㗎。
Tania：咁即係識啦，咁就好喇，我有啲攰，你可唔可以揸返去？
我：吓？
Tania說服我：揸慢啲就Ok㗎喇。
我就唯有大膽一試。
今次，Tania就坐後座，攬住我，指示我回程嘅方向。
再過一段路，我已經可以認出返去嘅路。
Tania就伏喺我背脊，我明顯可以感受到Tania嘅一對波波已經壓咗上我度。
Tania開始同我講佢哋model呢行嘅事：Mori啊，我哋呢行好難知道邊個真係對自己好㗎。
我：哦？
Tania：個個外表都好出眾，又有錢，又有見識，好易容就會覺得對方好好。當你以為可以同對方發展，點知第二日，佢就同咗另一個一齊。
我有啲唔知點回應。
Tania補充：其實對方都唔係有心呃人嘅，可能每一次都係真嘅，只係大家都好容易離離合合。
我：原來係咁。
Tania：當然亦有好多只係扮嘢搵著數。
我：沉日聽Chiara同Greta講過，話你哋會畀人抽水。
Tania嚇咗一嚇：…佢哋同你講啲咁嘅嘢？
我：…
然後，Tania就問我：咁點解你唔抽我水嘅？
我唔識回答。
Tania就幫我答：因為你係行外人。
我多少多謝Tania嘅自問自答，幫我迴避咗呢條咁尷尬嘅問題。
Tania仲未講完：我哋呢班熟啲嘅model之間有一個講法，就係就算見到幾好、幾想發展嘅男人，都唔可以隨便發展。
我：…
Tania：就算一夜情都唔得。
我：吓？
Tania：最少要畀佢救過自己三次先可以。
我：三次？
Tania：係啊，最少三次，咁就算之後有咩唔開心嘅事，都會覺得對方起碼曾經救過自己三次，都未至於係畀人呃。
我開始明白點解佢哋咁在意畀人救過幾多次嘅問題。
Tania：以我所知，最開始講呢個條件嘅係另一個model，你未見過佢㗎喇。
我：…
Tania：佢嘅講法係，如果對方救過自己三次，咁就可以畀佢玩一晚。
我：玩一晚？
Tania笑咗一笑，又問我：知唔知點玩啊？
我：唔知。
Tania又笑，喺我耳邊話：你想點玩就點玩。
我唔識回應。
Tania又講：Mori啊，你已經救咗我三次喇。
我唔識回應，淨係好驚會炒車。
Tania見我無回應，就喺我耳邊講：多謝你救咗我三次啊。
我勉強警告Tania：咁樣…好易炒車㗎。
Tania就話：咁你揀啊，前面轉左就係返我屋企，轉左嘅話，咁就算囉。
我：…
Tania；如果你想玩嘅話…就直行，返火車站嗰面。
我當然知道直行就係返我酒店嘅意思。
雖然Tania似係交返畀我決定，但未到轉彎位之前，Tania已經攬得我更加實，除咗一對大波波壓住我背脊之外，雙手又喺我心口位置不斷換位撫摸。
我就係一直好驚會炒車。
投票：我最喜愛嘅角色（請使用你專屬嘅gmail。）
https://www.patreon.com/posts/tou-piao-wo-zui-122819100?utm_medium=clipboard_copy&utm_source=copyLink&utm_campaign=postshare_creator&utm_content=join_link
投票：轉彎定直行（請使用你專屬嘅gmail。）
https://www.patreon.com/posts/tou-piao-di-7ji-123367383?utm_medium=clipboard_copy&utm_source=copyLink&utm_campaign=postshare_creator&utm_content=join_link
The Romance Show #2 嘉賓：Greta x 意大利佬 Giovanni 【與 《森の浪人去旅行》演員對話】
https://www.patreon.com/posts/romance-show-2-x-123368099?utm_medium=clipboard_copy&utm_source=copyLink&utm_campaign=postshare_creator&utm_content=join_link
浪漫版 完整故事
https://firstfantasyromance.blogspot.com/
Patreon 成為免費會員，更多好嘢玩:
https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
instagram 福利:
https://www.instagram.com/morironin/?next=%2F