森の浪人去旅行 #6 #7: 森の浪人去旅行 #5

森の浪人去旅行 #5 （加長版）

根據Chiara啱啱喺去餐廳路上嘅簡單介紹，Greta其實都係佢同事，屬另一組嘅model，不過佢喺今日之前嗰場已經出咗show。佢哋兩個都有一排無見面，撞啱今日大家都喺佛羅倫斯做嘢，所以約出嚟聚下。

咁講嘅話，Greta都係原裝正版意大利fashion model。呢種幻想，喺當我見到佢真人之後一樣無令我失望。Greta同Chiara差唔多高，一身輕便嘅裝束，無Chiara露咁多，不過相信波波都唔細。頭上戴住深紅色嘅頭布，將一大把長頭髮向後全推，頭布遮住頭頂同部份前額嘅打扮，無扎馬尾。攞住個手袋仔就行咗過嚟。

Greta見到我，唔洗開口，Chiara就幫我哋互相介紹，然後又對Greta講：頭先單嘢好彩有佢。

然後，兩位女士突然細聲交頭接耳咗幾句，Greta就擺出一個非常驚訝嘅樣，左手伸出兩隻手指，右手揞口。



好明顯，Chiara係同Greta講我今日救咗佢兩次嘅事。不過，對於我嚟講，所謂「救咗佢兩次」其實都只係意外。

奇怪嘅係，如果講開心、受惠，最多都只係Chiara一個，我完全唔明點解連Greta都開心成咁。或者係意大利人嘅性格？我就唯有保持唔失禮嘅微笑，樂意接受佢哋嘅「感激」。

我哋三個喺餐廳坐低。

對於呢一餐免費餐，Chiara同Greta睇嚟都有晒計劃，除咗每人一個full set之外，佢哋仲不斷介紹我最高質嘅菜式組合。一向對意大利菜只流於pizza、pasta認識嘅我，今日就學習到佢哋對牛肉嘅講夠。

至於話題方面，佢哋由坐低開始就一直講佢哋工作嘅嘢，我完全跟唔到佢哋嘅內容，有啲畀佢哋ignore咗嘅感覺。不過，既然佢哋都好耐無見，當然亦無可能因為我嘅出現就只講同我有關嘅嘢，而錯過佢哋傾私事嘅機會，我就當係現場睇一齣意大利劇好喇。故事上一集講到邊，我就唔知㗎喇，不過我都算識啲意大利文，就算無字幕，都勉強可以知道佢哋大約講緊咩嘅。其實都好好奇，如果同意大利妹做愛，佢哋會喺床上講乜嘢？真係好想聽下Chiara嘅呻吟聲啊。如果可以同兩個意大利妹做愛就更加好喇。我真係衰，人哋喺度傾工事，我就喺度諗點攪佢哋。



食到咁上下，Greta就突然對Chiara講：係喎，你張餐廳劵仲有一個位喎！咁不如試下叫埋Tania過嚟啦，佢成日話想食呢間啲甜品㗎。

我一聽到Tania呢個名就諗，唔會係我下晝見到嗰個Tania掛。

Chiara好似有啲猶疑：真係叫佢？

Greta：叫啦！

Greta非常興奮，又急忙問我：我哋叫多個朋友嚟，你唔介意㗎呵？



介意就唔介意，加上，我都好奇佢哋口中嘅Tania會唔會係我今日見過嗰個Tania，仲有嘅係，如果佢哋又係同事，咁Tania豈不是都係原裝正版嘅意大利fashion model ？咁我咪會同三個model食飯？

Chiara又講：我頭先其實喺後台有見到佢。

Chiara咁講，即係佢哋真係同事喎，仲有，下晝嗰個Tania唔係就係喺fashion show嗰個站落車咩？嗰個Tania都好有model嘅氣質，咁好大機會真係同一人喎。

Greta又講：咁你唔叫埋佢？

Chiara就腼腼碘碘，細細聲咁講：過唔到去啊，佢畀Lorenzo抽緊水啊，我過去咪連我都抽埋。

我聽到呢度畀佢哋嚇親，Tania畀人抽水？邊條仆街？等我打柒佢。但係，話說回頭，呢啲可能係佢哋行頭嘅嘢，甚至係潛規則之類。雖然有啲嬲，但都係唔好扮啲咩好。不過，會有畀人抽水嘅質素，令我已經自動腦補呢個Tania就係我下晝見到嗰個Tania，事關我認識佢都係因為佢話佢畀人跟。我又記起Tania拉咗我上車之後，雙手㩒窗望外嘅姿勢，的確令我都有衝動嘅感覺。

Greta：咁而家試下搵佢啦，睇佢走唔走得甩。

Chiara不屑咁隨口講咗句：痴線咩，仲未走得甩嘅話就唔只抽水啦。



聽到Chiara咁講，開始估其實Chiara都有啲淫底，佢明顯就係指抽咁耐水嘅話，肯定已經濕晒，咁就一定仲發生緊其他嘢。

Chiara無阻止Greta，只係飲咗啖水，一路等Greta聯絡Tania。

Greta收咗線：Ok, 佢而家過嚟。

聽到Greta咁講，我就更加緊張呢個Tania係唔係我今日見過嘅Tania。

我哋三人突然靜咗一下，Chiara就先講嘢：我哋講呢啲嘢，係咪悶親你？

我唔係好知點反應，勉強笑住咁回答：無啊。

Greta就搶先岔開話題，問我：你去咗邊度玩啊？



我就如實咁講：由羅馬落機，玩咗兩日。而家嚟到呢度，不過，其實我唔係第一次嚟意大利，十年前嚟過，今次係專程想嚟睇畫。

Greta對於我呢啲東亞嘅藝術家有啲好奇，我就怕怕羞羞咁畀佢哋睇First Fantasy 嘅 instagram。佢哋本來以為我係傳統嘅實體畫藝術家，當知道我做digital painting 嘅時候都好驚訝。我又講下自己由實體畫轉為digital painting嘅經歷，最後成功呃到兩個followers。

突然，一把女聲叫向我哋，我哋三個抬頭望，原來Tania已經到咗。

呢個Tania，果然就係我見過嘅Tania。

後記：

浪漫版 完整故事
https://firstfantasyromance.blogspot.com/

Patreon 成為免費會員，更多好嘢玩:
https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink



instagram 福利:
https://www.instagram.com/morironin/?next=%2F