毒鳳凰: 第二章：「守株待兔」

陳偉俊雖然在這苦苦守候了一整晚，但當他看到目標出現的那一刻，他深知所有的等待都是值得的。這是一場精心策劃的「守株待兔」。陳偉俊內心雖然焦急萬分，但他更清楚絕不能讓情緒外露。他迅速蹲下身，假裝綁鞋帶，藉此掩飾自己對獵物的渴望。他的動作看似隨意，卻充滿了刻意的節奏感，彷彿只是一個路人在整理鞋履。綁好鞋帶後，他又順勢掏出手提電話，假裝與人通話，嘴角微微上揚，語氣輕鬆自如，彷彿只是在與朋友閒聊。當然這一切都是為了麻痹對面那隻「白兔」的警覺性，讓她毫無戒備。那位女士並未察覺到任何異樣，她專注地拿出手機，核對前來接她的Uber司機的車牌號碼。確認無誤後，她笨拙將白色的大型行李箱搬上車尾，隨後輕盈地登上車，揚長而去。

陳偉俊目送着車子遠去，嘴角勾起一抹難以察覺的笑意。這場等待的遊戲已經結束，而真正的行動正要開始。「等陣先！」年輕警探突然打斷了陳偉俊的回憶，語氣中帶着一絲不耐與質疑。「你而家係衰藏有毒品！關呢啲事咩事呀？」他直截了當地質問，目光銳利如刀，是要將陳偉俊的謊言一一剖開。

 「聽埋佢講先啦，可能呢啲細節係線索嚟嘅。」沉默的老警探終於開口，聲音低沉卻充滿威嚴，瞬間穩住了審問室的緊張氣氛。他的眼神依舊深邃，彷彿能看透一切。

 「我咪講咗嗰啲毒品唔係我囉！我係喺呢個女人嘅屋企嗰度搵到㗎嘛！我本身諗住入去爆格㗎咋！」陳偉俊再次申冤，語氣中帶着無奈與焦急，試圖釐清自己與毒品的關聯。

年輕警探眉頭一皺，捕捉到了話中的疑點，隨即追問道：「點解你咁肯定嗰間屋，係嗰個27歲嘅女士呢？仲有你點搵到人哋屋企呢？你解釋唔到呢兩個疑點呢，你前面所講嘅任何證供都係唔會成立！」他的問題直指核心，如利劍直插案件的關鍵之處。這兩個提問今真相似乎正一步步被揭開。





但陳偉俊面對這兩個問題，卻露出一副無奈又難以置信的表情，彷彿對方的疑問太過簡單。

「阿Sir，好簡單咋喎！你咪根據返女人出現嘅方向，同埋行李篋拖動發出聲音嘅時長，咁你大致可以推斷到嗰條女住邊幾座樓啦！」他的語氣中帶着一絲不屑，覺得這不過是常識。

年輕警探並未給他喘息的機會，緊接着追問：「咁你又知佢住幾樓？」

陳偉俊幾乎不加思索地回答：「元朗啲屋一座樓得幾戶，夜晚九點正常家家戶戶都開燈啦，冇開燈嘅咁咪就係嗰條女間屋囉！咁入邊冇人咪安全，可以爆格囉！」他的語氣輕鬆自如彷彿這一切是理所當然。

 「咁條女屋企有其他人咁點啊？」 





陳偉俊笑了笑，語氣中帶着一絲得意：「阿Sir，條女拖咁大個篋又着得咁靚，通常都係去旅行㗎啦！唔會夜晚九點先返工啩？返工唔使帶咁大個篋啦。而且佢仲要call Uber，而架車冇幾耐就到。喺元朗喎！好難call車㗎，所以一定喺屋企call定，車差唔多到先行出嚟。有錢又有計劃，多數都出國㗎啦。再者如果佢屋企有人嘅話，點會唔送埋佢出門口啦！啲大篋都重㗎！仲有如果父母喺屋企，好難可以衣着咁性感出門㗎！咁所以我大膽推測到兩樣嘢。第一，條女去旅行，短時間都唔會返屋企。第二，條女屋企冇其他人。」 

陳偉俊的分析條理清晰，邏輯嚴密，盡顯推理的功架。此時不得不承認小偷與爆竊確實是一種「技術活」。 

「推理能力咁好，唔做警察就真係曬啦。」老探員忽然開口，語氣中帶着一絲皮笑肉不笑的諷刺，眼神中閃過一抹難以捉摸的光芒。

可惜陳偉俊全然未察覺其中的諷刺意味，反而以為老探員是在欣賞他的本領，只知文句表面之意。