佢唔係鬼，亦唔係人: Chapter 02

哇哇哇……我終於趕得切係８點０５分上到４０３課室。

「喂！你做乜咁遲呀，我等左你好耐啦。」原來我既好姊妹兼鄰居謝棹婷一早番左黎。

「頭先……我……去左買個ｍ記早餐呀嘛。」

「嚇得死我啦，我以為你第一日番學都會遲到添。」佢仲向我扮鬼樣。

第一日連ｓｉｔｔｉｎｇ　ｐｌａｎ都未有，所以大家都係同ｆｒｄ亂坐。





望仔細啲，原來佢一早番左黎啦！！！！而且同班男仔一齊傾緊計添！

係我掛住望佢既時候……

「陳－瑜－殷－你－掛－住－望……」「夠－啦－停－呀－！！！」呢一把又高又尖既聲音好彩我趕得切係佢未講完就截住佢把聲，但依然吸引全場人既目光，仲吸引埋係門口經過既訓導主任ｍｒ．ｌｅｅ……

「喂，你地兩個第一日就要我鬧你地啦？」

「ｓｏｒｒｙ，李ｓｉｒ冇下次！！」我地兩個相望而笑。





洪玲，我地個個都叫佢做ｒｅｄｌｉｎｇ，可以話係全班把聲最高音兼最大聲既女仔。雖然佢既缺點有排都數唔完，不過佢同時都係知得我最多秘密既人……包括我幾時開始暗戀佢等等。

「呀殷，你做咩掛住望佢呀，嘿嘿！」洪玲好細咁我耳邊講。

「咩呀…我…我都唔知你講緊乜…」仲唔直刻走番去棹婷身邊，想比人笑到紅都面哂咩……

笑完鬧完，仔細望下四周圍，原來有好多我識既面孔，例如成績仲好過佢，年年唔係第二就係第一既馬曉茄，人見人愛車見車載既級花何善晴，神級既物理天才但體育科直線入水既許亦謙，日日同班男仔一齊癲但對女性連少少興趣都冇既張日軒……有時我都會懷疑佢係直既定係……算啦話知佢直定係點，大家都係frd黎又有乜所謂。

希望今年既中四可以平平穩穩咁過。