佢唔係鬼，亦唔係人: Chapter 01

我男朋友，佢唔係鬼，亦唔係人。

我真係好中意佢，我由中二個年已經暗戀緊佢，一直到中三都冇機會開聲。
點知，岩岩升左中四冇幾耐，佢就已經……

* * * 

開學第一日。

我地學校係山上面，每日朝早熱到喊出黎咁行上去真係命都少半條。（不過都捱左三年啦）





不如我開名先，我係陳瑜殷，今年升上４ｃ，而選修科就讀ＰＨＹ，ＥＣＯＮ同ＩＣＴ。我目標係想入科大，我對ＩＣＴ既熱誠已經唔可以用三言兩語黎形容。

好鬼開心既就係，我暗戀左成年既佢，都係一個ＩＣＴ天才，又咁岩入到Ｃ班。

今年課室係４樓，比舊年又要行多一屠。（算啦行左３年上山，區區個４層樓算乜）








佢呀爸由中一到而家都風雨不改日日專車接送佢番學，７點３５分準時到學校（搞到我冇機會搵佢一齊番學＊我係巴士黨）。不過佢天生有心臟病，所以每個月第二個星期三都要請假去醫院做一次ｂｏｄｙ　ｃｈｅｃｋ。




好記得中二我未算太熱戀佢個陣，係課室同佢一齊坐過3個月左右。而係中三個陣，唔單只有２次一齊坐既機會，連我地ｆｌｏａｔ到ｌａｂ個座位都係一齊坐，所以先暗戀左佢咁耐。不過我明白既，佢成績好到年年都可以有全級第五名，好似我呢種有６０名都已經好鬼開心既人，邊到襯得上佢……所以得閒可以同佢傾到計，一齊做數，我已經覺得好開心好滿足。








突然間，好希望時間可以永遠停留係我同佢一齊既時刻，永遠唔好變……

無所謂啦，希望在明天呀嘛。




死得！我差少少唔記得左我番緊學，掛住想當年而完全忘記左我做緊乜囉……