破處·地獄: 【二十五】

志明俾條鋼筋插中大髀，啲血巴巴聲咁流。

然而，仲有唔夠十分鐘就會轉換性別，志明心諗自己絕對唔可以錯過呢次機會！

佢要報仇！佢要破處！佢要屌「河北彩花」！

所以，佢強忍住切膚之痛，將條鋼筋一下用力掹返出嚟，然後拿拿臨撕開件衫，用塊布扎住個傷口。

佢個傷口好深，流好多血，假如唔用布包住即時止血，唔使五分鐘一定會因為大量失血而休克。





個鬍鬚佬趁住志明大髀受咗傷，條jer滴住血都要快啲走。

當志明包紮好傷口，與此同時，天上嘅月亮忽然間反射出一道鏡光。

志明抬頭一望，睇見月亮中間出現咗一塊鏡。

佢記得嗰三個基佬曾經講過，月亮會預示下一個地獄嘅折磨。

本來條鬍鬚佬喺前面已經走咗一段路，點不知行到中途，喺佢面前突然憑空出現咗一塊鏡，擋住佢嘅去路。





當佢停低嘅時候，塊鏡就消失咗，之後佢再行前，塊鏡又會立即閃現，擋住前路。

呢一個係十八層地獄之中嘅「孽鏡地獄」。無論行前行後，行左行右，都會有塊鏡擋住你唔俾走，將你成個人困住。

志明亦都一樣。

當佢行前一步，面前就會突然出現一塊鏡擋住，不過好在佢手上有一條皮鞭。

嘭唥！！！





志明一鞭發落去，將擋喺面前嘅鏡打碎。

至於個鬍鬚佬就束手無策，完全被困喺鏡陣入面，行前、行後、行左、行右都唔得，只能停係原地打轉。

嘭唥！嘭唥！嘭唥！

大髀受咗傷嘅志明趌趌下，一邊行，一邊打碎擋住前路嘅反光鏡。

佢同對方嘅距離由100米，慢慢縮窄到80米，再到50米。

聽見身後不斷傳嚟鏡片破碎嘅聲音，鬍鬚佬睇住志明一步一步咁逼近，最後情急之下，佢用個頭撼落去，想撼爆塊鏡。

只可惜，佢個頭撼一下，塊鏡只係裂開少少。

相反，志明隨住一塊又一塊鏡係面前爆開，慢慢已經嚟到鬍鬚佬嘅身後。





呢一刻，佢地兩個只係隔咗一塊鏡嘅距離。

鬍鬚佬擰轉面，神色恍然咁同志明對望咗一眼。

跟住，嘭唥！

志明打爆埋最後一塊鏡，踏前一步，同一時候，全身上下閃爍白光。

意味住，性轉換嘅時刻已經來臨。