破處·地獄: 【二十四】

人到咗絕境，就會做出一啲自己從來無諗過會做嘅事。

志明從來無諗過自己會用口咬一個男人嘅賓周，仲要咬到流曬血都唔肯鬆開口。

只但係咁都仲未可以一解佢心中嘅怒氣。

佢要將喺破處地獄所受過嘅屈辱，包括俾人揸波、舔腳、鞭打、用賓周拍面等等，趁呢個機會統統發洩曬出嚟。

啪！！！





志明揸住皮鞭，一嘢打落去鬍鬚佬身上，令對方痛上加痛。

「屌你老母！你竟然攻人下陰，你真係好撚卑鄙！」鬍鬚佬掩住下面，睥住志明。

「先係扮可憐呃我同情，跟住推我落棵樹度綁起我，無幾耐之前，仲要扮gay博取嗰班基佬嘅信任，然後一獲撬起佢地。講卑鄙，我又邊夠你卑鄙？」

志明講完，再大大力鞭咗鬍鬚佬一下。

「打呀！我就俾你繼續打！反正你條八婆依家無賓周，最多咪鞭我幾下，仲做得出啲咩？」鬍鬚佬仲係好搶口。





志明指住手上嘅電子錶：「你自己睇下時間，得返十分鐘渣！你不如問下你自己，依家咁嘅樣，仲可以做到啲咩？」

「哈哈！你睇小我？」鬍鬚佬大笑一聲，然後突然喺地下擰轉身，一隻手掩住條jer，另一隻手撐起個人企起身。

志明再用力鞭咗條友一下，但對方忍住劇烈嘅痛楚，夾硬企起身，仲好似想逃走。

於是志明一個跨步行上去，想捉住條友唔俾佢走，結果又中計。

條鬍鬚佬原來偷偷地喺地下一片廢墟瓦礫中，擸咗一條有五、六吋長嘅鋼筋。





志明雖然心入面都有防範，但無估到對方竟然會喺地下擸到一把武器。

佢一行過去，鬍鬚佬就突然擰轉身，揸住條堅硬鋒利嘅鋼筋，一嘢插落去佢右邊嘅大髀度。

「啊！」志明馬上退後，並且大嗌一聲。

鬍鬚佬就用怨恨嘅眼神望住志明，跟手將條鋼筋再插深啲：「哈！好彩你無賓周，如果唔係我已經閹撚咗你！」

之後佢掩住條jer，忍住痛轉身逃走。

依家佢碌嘢傷到咁，暫時無辦法破處，但唔緊要，因為只要等到性轉換，咁身體就會自然恢復。

到時只要匿埋，等到自己再變返男人，咁就可以東山再起。