破處·地獄: 【二十一】

「呼—」

一陣風將三人嘅骨灰吹走。

喺破處地獄呢度，志明已經唔係第一次見到有人死，所以都開始覺得麻木。

家陣無人再壓住佢，佢終於可以起返身。

「喂，嘢我就幫你地做咗啦，咁我啲獎勵呢？」翻版河北彩花問牛頭馬面。





牛頭：「你想要咩？」

「咁仲使問嘅，我梗係想即刻離開呢度啦。」

馬面：「唔得，」

牛頭：「你一定要破處先可以離開，」

馬面：「呢個係破處地獄嘅規矩。」





「屌！有無搞錯！咁我要即刻變返做男人，同埋我碌鳩要增長到30cm，」翻版河北彩花指住志明，「仲有，我要呢個人即刻變成女人。」

牛頭馬面：「無問題。」

條女一次提咗三個要求，牛頭馬面一一幫佢實現。

本來仲有廿五鐘先到下一次嘅性轉換，但牛頭馬面唔知用咗咩方法，突然加快志明同條女手上隻錶嘅倒數時間。

志明睇住自己手錶上嘅時間，由「25：00」一下子變成「0：00」，隨即全身發出一道閃光，令佢喺一瞬間之內由男人再次變成女人。





與此同時，翻版河北彩花就重新變返做一個鬍鬚核突佬，兼且佢個褲浪位漲大咗一倍，條jer真係變咗30cm。

志明知道自己大禍臨頭，呢個時候佢只有一個選擇，就係立即逃跑。

而個鬍鬚佬就再向牛頭馬面索取多一樣獎勵：「你地可不可以俾條皮鞭我？」

牛頭馬面：「可以。」

除咗唔允許鬍鬚佬離開地獄之外，牛頭馬面完全滿足曬對方嘅要求。

至於呢條鬍鬚佬睇嚟真係有鋪sm癮。

佢揸住條皮鞭，一路fing，一路上前去追志明：「哈哈！我嚟啦！」

志明已經計唔到自己喺尖沙咀呢度，跑咗幾多公里嘅路。





呢種一直俾人窮追猛打嘅感覺真係好辛苦，但為咗保住條命仔，佢只能繼續撐落去。

個鬍鬚佬好快就追近志明。佢喺後面用條鞭係咁發，向住志明嘅背脊打落去：「點呀？爽唔爽呀？」

志明捱咗一鞭，忍住痛繼續跑落去，

「跑啦！繼續跑啦！哈哈哈！」鬍鬚佬就好似貓追老鼠咁，將獵物玩弄於手中。

佢故意跑喺志明後面，用條皮鞭不斷鞭打對方。

疲倦再加上疼痛，令志明感到極度絕望。

佢地兩個一個追，一個跑，沿住廣東道一直去。





女兒身嘅志明體力消耗得好快，佢跑咗一陣就已經好攰，速度明顯慢咗落嚟。

「喂做咩呀！你咁快就無力啦！咁邊好玩架！」鬍鬚佬用力揮鞭，狠狠咁打落志明身上，逼對方繼續加速向前跑。

所謂士可殺不可辱，咁樣俾人羞辱法，志明心入面好唔忿氣，但又唔知可以點樣反擊。

隻錶重新倒數之後，依家先過咗五分鐘，要捱到去下一次性轉換，睇嚟真係好艱難。

然而一波未平，一波又起。

咚窿咚窿——

志明同個鬍鬚佬跑跑下，突然迎面出現咗一舊圓碌碌，好巨型嘅大石。

講緊舊石個size係大到成座樓咁高、兩三條馬路咁闊。





巨石一邊向前碌，一邊好似推土機咁，將廣東道兩邊嘅商鋪、建築全部撞冧曬。

「走呀！」
「讓路呀！」
有五、六個男人向住志明佢地嘅反方向，亡命狂奔。

咁巨型一舊石，俾佢砸落嚟唔死都一身潺，志明同鬍鬚佬都驚到馬上掉頭走。

而呢一舊巨石，就係十八層地獄中嘅「石壓地獄」。

志明同鬍鬚佬，仲有另外嗰五個男人全速奔跑，只不過志明已經跑唔郁。

佢對腳已經攰到連企都企唔穩，成個人放軟，向前仆低。





接住下一秒，嗰舊超巨型嘅大石就將佢硬生生咁碌過。

之後，個鬍鬚佬同埋另外五個男人都跑唔過舊石，接連被碾壓。

呢舊石唔會壓死人，亦都唔會令佢地受傷，只會為佢地帶嚟粉身碎骨嘅痛楚。

手手腳腳、心肝脾肺腎，就好似爆開咗一樣。

佢地個個瞓曬喺地下，痛到完全起唔到身。