破處·地獄: 【二十】

志明心諗嗌救命有咩用，唔使三秒，佢就衝上前將對方推落地，然後好似一隻野獸咁撲上去，撕爛對方件衫，再伸隻手入條裙度係咁摷。

「救命啊！救命啊！」條女繼續大嗌救命。

志明準備想剝咗條褲，拎碌嘢出嚟拍條女塊面。

點不知喺呢個時候，突然有三個大隻裸男，衝埋嚟對付志明。

佢地先夾手夾腳拉開志明，跟住其中一個人將志明隻手向後拗，再將佢壓落地下。





呢三個人，正正就係1仔一號、二號同0仔。

志明見到呢三條友，本來應該即刻吹口哨，通知牛頭馬面，但結果佢都未反應到過嚟，就已經俾人制服。

佢個心口同塊面貼住喺地下，想轉身都難。

「好彩有你地渣，如果唔係，我就俾呢個麻甩佬強姦咗啦！」個女仔喺嗰三個人面前扮曬可憐。

「喂！你地三個咩事啊！做咩要幫呢條女？」被壓喺地下嘅志明問三個基佬。





「因為佢係『自己人』。」

壓住志明嘅1仔一號話：「之前我地都同你講過，當自己人變成女仔之後，如果有咩事，我地就會出嚟保護佢。」

「自己人？呢條友點會係基佬！」志明反駁。

「喂！注意你嘅用字！我係『男同志』，唔係咩基佬！」條女竟然自認自己係同性戀。

「你咪講大話啦！」





「我無講大話！由細到大我都唔敢承認自己嘅性取向，因為我驚會俾人笑俾人歧視，但嚟呢度之後，我發現自己原來並不孤單，做三十年人，依家我終於夠膽承認自己係一個同性戀！」

「唔係個個人都有勇氣承認自己係gay，所以你真係好勇敢，we are so proud of you！」0仔聽見個女仔嘅出軌宣言，非常感動。

「呢條友喺我變成女人嗰陣，設局想屌我，佢點會係gay呀！你地咪撚佢聽鳩噏啦！」志明同另外三個人講。

「我無！你唔好屈我！我係男同志，我鍾意男人！而且我做人光明磊落，絕對唔會設局陷害你！」條女講大話完全唔眨眼。

「你條八婆擘大眼講大話！」志明好嬲，眼神充滿怒火。

「唉~呢度真係好危險，隨時都會遇到呢啲不懷好意嘅人。」條女繼續扮可憐。

「放心，我地同志之間互相幫助，我地一定會保護你。」0仔安慰對方。

「你地頭先話，你地成個同志群體有一個秘密基地，嗰度無乜人知而且又好安全，係咪架？」個女仔問三個基佬。





1仔二號答：「係呀。」

「咁你地不如帶我去避一避？」

「可以啊，不過喺呢度行過去有啲遠。」

「有幾遠？」

「要行到去星光大道附近露天餐廳嗰度。」

「哦~~~原來你地啲死基佬平時匿埋喺嗰度~~~」條女扮完gay佬，攞到想攞嘅料，最後都露出狐狸尾巴。

嗰三個基佬當堂面色一變。





「哈哈！」條女退後一步，奸笑咗一聲，然後對住天吹一下好響嘅口哨。

之後唔使一秒嘅時間，牛頭馬面就出現。

嗰三個基佬都未知發生咩事，佢地唔知自己俾牛頭馬面通緝緊。

「喂！你地要搵嘅人，我已經幫你地搵到。另外，呢班死基佬平時藏身嘅地點，就喺星光大道露天餐廳附近。」條女將套到料一五一十講曬出嚟。

牛頭：「哈哈哈，」

馬面：「做得好。」

「你…你唔係『自己人』？」1仔一號佢地喺呢個時候先突然恍然大悟。

佢地以為條女親口承認自己係gay，就係勇敢出櫃嘅表現，實際上根本只係扮「gay」食老虎。





可惜依家先醒覺已經太遲，牛頭馬面絕唔會姑息喺破處地獄到處搞gay嘅人。

𡁻！𡁻！𡁻！

下一秒，牛頭馬面用雙眼噴射出紅色嘅激光，跟住嗰三個基佬喺一瞬間之內就化成灰。