富家小姐的司機: 第二章 開工首日
去到二小姐屋企門口真係嚇一跳, 我知佢有錢, 但係估唔到真係有錢到咁。眼前呢間屋基本上雖然係一間獨立number屋, 但係講佢係間屋, 不如用城堡去形容仲啱, 大到嚇死人, 成座山咁, 我企係金色閘前, 望到入面仲泊咗六七部名車， 而左邊就一個大花園。
正當我係到發呆嘅時候, 突然間前面個對講機傳來一個男人聲好寸咁問：
"先生，你係到做乜呀?搵邊位呀?"
"我叫阿中，今日第一日返工㗎，係二小姐嘅司機。"
"咁你入嚟啦。"
之後行人通道個門就自動慢慢打開咗，我行咗入去，跟住有個男人( 應該係頭先對講機入面個阿叔) 走嚟同我講等等。佢之後按住個對講機制講：
"二小姐，二小姐，個阿中入咗嚟喇，使唔使安排佢入去大廳到見見你呀？"
"唔使啦，司機嚟之嘛，入嚟做乜鬼，叫佢喺出面等等我，你帶佢去車房拎車匙，我今日坐 1823。"
聽到二小姐咁講，真係覺得佢好鬼死寸，跟住個阿叔帶咗我去嗰部 1823，原來係部銀色全新大Benz, 隔離仲有部勞斯萊斯，兩部 Tesla，幾部超跑, 同幾部日本七人車。可能阿叔見我眼金金望住啲超跑，於是好寸咁講：
"啲車望下好啦, 唔好亂咁掂亂咁摸, 有乜損傷, 你成年人工都賠唔起呀。"
二小姐寸，佢啲秘書、工人都一樣咁寸，我係到等咗差唔多大半個鐘，見到二小姐係大門行緊出嚟，今次終於見到二小姐全身，又幾正喎，雖然都係中環返工，但係一身衣著，同普通OL真係有啲唔同，比起普通一般OL貴氣好多，雖然只係淺藍色長袖恤衫，配上一條A仔裙，望落就知唔係普通啲料，而係好靚嘅質地，仲拎住個靚手袋，佢身高都應該有172高，對腳仲靚過秘書小姐對腳, 加埋對高跟鞋，都有175咁上下，而我先 165 高，我真係好自卑呀。
佢對波雖然睇落唔係大，但係急步走過嚟嘅時候，都啷下啷下，戥下戥下咁，都幾養眼，佢行到埋嚟我面前，怒啤住我，仲用右手食指篤住我額頭講:
"你真係仲以為自己係的士佬呀?醒少少好冇?"
我呆鳩鳩咁企係到唔知發生乜事，佢就加重語氣講：
"同我開車門呀，死蠢。"
我先醒起呢個係私人司機嘅責任，我即時開車門俾二小姐，而係二小姐打則烏底身上車個一刻，立到佢心口入面個黑色bra 同波邊，都有啲睇頭，不過佢一上車，即時又爆粗咁講：
"What the fuck, you are so fucking stupid. 你唔係一早撻定匙，開定冷氣嘅咩? 話你死蠢真係死蠢，你企係到成半個鍾，食屎咩。"
雖然而家係秋天，但係都有啲熱嘅，我拿拿林走返車入面撻匙，準備開車。
"車我返公司啦，死蠢，都唔知 Personnel 攪乜，請著你呢啲又老又蠢嘅死廢柴，車我返公司啦，小心啲揸呀，部車前日先落地，成 200萬架。"
"知道，知道, 我會小心架啦, 二小姐。"，睇嚟呢份工都有排受。
--------------------------------------------------------------------------
唔滿足於平凡的男女情慾關係，大家可以透過 S&M 去滿足另類生活情趣，歡迎同好交流。smfever.com
[email protected] | WeChat : hongkongmistress | TG : @hksmfever | X : @hksmfever