富家小姐的司機: 第一章 初見小姐

"Good Morning，呢個就係人事部新請返嚟嘅司機，阿中, for 你一個人用架, 你就好啦。" , 秘書小姐語帶輕鬆地介紹我俾房入面個女仔識。

檯前面坐住一個20歲出頭嘅女人, 雖然好後生, 但係已經一個人坐係間千成呎嘅老細房, 而且仲流露出一種威嚴同權威嘅感覺。佢抬頭望一望我, 流露出一副厭惡又厭棄嘅表情講 :

"Elisa,  Personnel 攪咩呀, 請個司機都請咁耐, 仲以為要請個睇得又打得, 點知...唉..What the...." 

秘書小姐 Elisa 流露出一個苦笑話 : "你有私人司機仲嫌咁多, 用住先啦, 一路用一路請囉, 請到就換走佢, 哈哈~。"

"換？咁易換就唔駛請佢啦, 下話。請唔到人都冇辦法啦, 用住先, 喂, 你呀, 識唔識路架, 唔好成日行錯路, 日後叫我二小姐。＂



"知道啦, 二小姐, 我之前都揸過下的士, 一般道路都冇問題嘅。", 我戰戰兢兢咁答。

"係就最好啦, 你出返去先, 聽日 12pm 去淺水灣車我返公司, Elisa  你留底。", 二小姐冷冷地講。

"知道啦, 唔該晒, 二小姐, 唔該晒, Elisa, 咁我走先。", 我禮貌地講。

"你叫我陳小姐好啲, 唔好叫 Elisa。" , 秘書小姐 Elisa 又係冷冷地同我講。

車, 好巴閉咩, 你咪又係打份工。我堂堂一個大男人, 俾兩個廿幾歲嘅女仔睇少, 真係覺得無地自容。我係邊個? 我個名叫陳大中，今年 48 歲, 單身, 自從 2020 年疫情發生之後, 我一直都搵唔到野做, 好唔容易終於係 facebook 群組搵到呢份俾人屌到飛起又冇人做嘅閪工; 就係做私人司機, 每日返 12 小時;  中午12點到午夜12點, 勞工假, OT 冇錢, 用放假抵返, 無雙糧無花紅, 仲要大假係要等佢哋唔用車, 即係去咗海外旅行時先可以放, 人工先得 $18500, 咁刻薄嘅工我都肯做, 因為我都要食飯, 我仲要還卡數, 街數都十幾萬, 有人請就算啦。 



二小姐同秘書小姐都係中環啲典型OL, 好正好靚女,  秘書小姐對腳好靚, 二小姐對腳就未睇到, 因為前面有張檯遮住, 佢哋咁後生, 一個坐房, 一個已經係私人秘書, 應該都讀過唔少書, 唉, 點解人哋可以又靚女又叻, 我就又窮又醜, 而家仲要欠卡數欠財仔, 真係唔知點死, 只好見步行步啦。
到咗第二日, 我拎住秘書小姐俾我個地址, 左轉巴士右轉小巴, 再落車行15分鍾, 終於到達咗張小姐屋企, 當堂嚇咗一跳。 

-------------------------------------------------------------------------------------------------------------------------------------------------------
唔滿足於平凡的男女情慾關係，大家可以透過 S&M 去滿足另類生活情趣，歡迎同好交流。smfever.com
[email protected] | Whatsapp : 66000486 | WeChat : hongkongmistress | TG : @hksmfever | X : @hksmfever