情人節那一夜，我被車撞了: 感情樹？
她說不上什麼絕色美女，卻很順眼，但我看到她的臉色卻蒼白得離譜，不像思河那種柔弱般的蒼白。
大概我眼前的這個女生是得了什麼很嚴重的病吧？
與她一起坐了在長椅上過了一會，她緩緩說道。
「你好呀，點解平時唔見你係度既？」
「我之前撞車受左傷，一直都訓左係張床上面，今日先至第一次出黎曬下陽光咋。」
看她的樣子跟我的年紀也是差不多，到底是為什麼會在醫院呢？
「哦，唔怪得知之前無見過你啦。」
我敢肯定她的笑容是我見過的女生中，笑得最陽光，最好看的。
「咁，妳呢？」
「我有愛滋病。」
什麼？我一臉的錯愕，臉前這樣天使般的女生居然得了這樣一個與性有相關的病？
「係醫療事故。」
她似乎看出了我的驚訝，出口多說了一句。
聽到她這麼說，我不禁在心裡狠狠的打上自己幾巴掌，這樣的女生又怎麼會……我怎麼可以這樣想的呢？
她說得很輕鬆，似乎把一切都已經看得很淡很淡，老實說換成是我，必然不可以像她那般的冷靜。
我肯定會怨天尤人。
「對唔住，我唔知道……」
「唔緊要啦。係呢，點解你會比車撞到既？」她似乎想把我帶到另一個話題上。
「呵呵，其實我都唔係好知。」
「唔知？」
「我完全唔記得曬當時發生左咩事，幾時撞，點樣撞，我一Ｄ印象都無。不過後尾知道原來我係為左救一個女仔，推開左佢我知比車撞到。呵呵，但係我連果個女仔都唔記得埋。」
「即係失憶？」
「嗯，可以係咁講，但係失得真係好奇怪，我似乎只係唔記得曬關於我同果一個女仔既所有野。」
「有人話，愈係重要既，就愈容易忘記。」
「嗯…又或者因為我最後見到既係佢先至咁岩唔記得左佢姐…」我笑了笑，似乎也覺得自己的這個理由有點牽強了過頭。
但無論如何，我現在跟家琪重新在一起，我不是應該更珍惜她，愛護她，而不是想其他的事嗎？不然我怎麼能對得起這個我誤會她兩年的女生？
「我當初忽然知道自己有病，仲有係不治之症既時候我真係好唔開心，好唔明白點解個天要咁樣對我，但係後來慢慢覺得，既然我唔可以改變佢，
咁就唯有去接受佢。我爸爸媽媽同前男朋友一直都搵好多唔同既方法去醫我，雖然我自己知道係無得醫，但係我每一次都會笑住咁同佢地講，
我好番好多喇，唔洗擔心我，因為我知道如果我唔積極去面對既話，我身邊既人都會無曬信心。次次我暈低我就知我又要令媽媽佢地擔心。
望住自己身體一日差過一日，望住身邊既人因為我而變得憔悴，我真係好自責。但係我知道自己無能力去改變，所以只可以珍惜剩下落黎既相處時光…
我發現，原來所有野都唔會係必然，無人估到我會因為輸一次血而有個咁樣既病，無人估到聽日，後日會發生咩事，我開始後悔自己點解唔去珍惜多Ｄ身邊既人。
相信你都唔會估到你會因為撞車而入醫院，仲會唔記得左咁多野，但係我想講既係，唔好比自己後悔。我仲記得果日，我係學校門口到佢記道別，佢企左係度，一直望住我，
望住我一步一步咁同佢既距離拉開，望住我上車，我不停咁同自己講我唔可以另番轉頭，因為我知道我一定會唔捨得佢，但係我會將佢深深咁印係我腦入面。」
我並不知道面前的女生為什麼要平白告訴我這麼多，但我很樂意，也很耐心的聽她講下去。
大概她是在告訴我要努力的尋回自己失去的，不然會後悔……吧？
「我有一個我鍾意既男仔，佢份人好好，又關心我，仲成日講笑話比我聽，哈哈可能係因為我笑點低啦。我無話到比佢知我有依個病，
我呃左佢話我會去第二度讀書，其實就係黎左醫病。因為我記得佢話過，佢一定要好好咁享受大學既生活，佢一直以黎都咁努力，
我唔可以因為咁而阻住佢架。記得係畢業既果一日，其實我身體已經變得愈來愈差，抵抗力不停咁跌，所以我話比知道知果次係我最後一次見佢，最後一次同佢玩，同佢傾計。
呵呵，其實我果陣時都未知道自己原來咁鍾意佢，係之後見唔到佢，先至發覺自己好掛住好掛住佢。
記得有一次佢忽然間唔理我，仲冷淡左好多好多，我成個人都唔知點算，果陣時我先知原來佢係我心目中係咁重要架。
最近聽到佢係大學好唔開心，好多煩惱，我真係好擔心佢，好擔心佢會就咁一蹶不振，我真係好想見到佢，同佢講我會一路咁支持佢。」
面前的女生真的就如天使般，天使般的心。在因為她的病也婉惜的同時我也為了那個男生而婉惜，因為他不知道，在這一個角落，有那麼一個女生想著他念著他。
望著她，我再想想自己，其實我真的已經幸運多了。大概剛才的話，她只有對著陌生人才可以這麼自然的說出來，因為面對著一個又一個她熟悉的人，有太多太多的壓抑了。
「其實我覺得你應該同果個男仔講，或者佢唔係好似妳咁諗，佢會想一直陪住妳，支持妳，而唔係去到最後做最後一個知道既人，咁樣我覺得對佢黎講其實都唔公平。」
「我就係知道如果我同左佢講，佢一定會日日陪住係我身邊，但係我唔想，我唔想要佢都擔心埋一份，唔想佢因為我而無左佢自己既生活。如果有一日我可以離遠咁望下佢，咁就好喇。」
看到我欲言又止的樣子，她笑了笑，看起來卻更顯虛弱了。
「你伸隻手出黎丫」她望著我微笑道。
雖然不知道是為了什麼，不過我還是照做了，我伸出了自己傷得沒那麼嚴重的左手。
「畢業果一日，我係佢隻手畫左一條線，嗯，就係依度。我不停咁係佢隻手上面畫深依一條線。我同佢之間有一棵感情樹，當我同佢之間既感情愈來愈好既時候，感情樹既樹枝就會愈生愈長，
一路咁樣生長到佢既手上。條線愈長愈深咁就代表住我地感情愈深厚，而我同佢既感情，一直都掌握係佢既手上。雖然我唔知道佢明唔明白我既意思，但係其實我都有少少自私，我想佢一直都記住我，嘿嘿。」
這樣，又怎麼可以說成是自私？這只可以說成是一個女生對喜歡的男生一點點的要求而已。
她的指尖反覆的在我的左手手掌上輕輕的劃。
「你睇唔睇到？其實你都有感情樹架。睇唔到唔緊要，可能依一刻佢隱左形，但係我相信佢一直都存在係你既手上面。你話你唔記得左果一個女仔，就算你唔記得曬所有野，但係你地所經歷過既，感受過既都唔會消失。
只不過係你一時間睇唔到既姐。我相信你既記憶會慢慢咁番番黎架。只要你同佢既感情仲係度。」她的呼吸愈發急促。
雖然現在我對自己以前跟思河相處的事沒有半點的印象，但無可否認，有時候看見她，我總是有點特別的感覺，大概我們之間真的有那麼一棵感情樹。
思河天天都來，天天都會跟我說一些以前的事，問我有沒有印象，而我每次都搖頭說自己沒印象，雖然她說不要緊，但我還是可以看出來她臉上的失望。
我有問她，到底我們以前是怎樣相處的，她說我很笨，不論做什麼事都是順著她的。我又問，那我以前是不是喜歡她，她卻說不知道。
可能我以前真的是喜歡她的吧？
「穎兒，妳做咩又自己走左出黎呀，快Ｄ番番入房啦，會涷親架！」來人大概就是眼前這個女生的媽媽吧？
原來，她叫穎兒。
她向我點了點頭，緩緩在她媽媽的扶助之下慢慢走回病房，但走到半路卻又轉過頭來。
「係呢，你叫咩名呀？」
「我叫允恆，郭允恆。」
「再見喇，允恆。」說罷她便一步一步的離開了我的視線範圍。
再見了，穎兒。