酒店奇談: 兒童樂園

有冇發覺而家啲酒店好多都多咗兒童樂園，俾啲家長帶埋小朋友一齊去玩。入邊嘅設施不外乎都係波波池，或者嗰啲遙控車。

今日講嘅故事就係發生係一間新界嘅酒店，話說嗰間酒店係工廠改建，而且係近年開嘅，而佢有個賣點就係入邊有個兒童樂園，吸引到好多家長特登入去玩，但係有好多家長去完都遇到一啲奇怪嘅事，咁有個家長就話佢本身入去兒童樂園嗰陣係冇乜人，但係玩玩下，開始有啲家長再帶其他小朋友入嚟玩，然後佢發現有一兩個小朋友好似係冇家長陪同，但係啲職員都唔理。所以各位家長都無理，直到去玩完準備走嘅時候，發現嗰兩個小朋友已經唔見咗，咁佢都冇為意，跟住佢諗住去廁所啦，點知發現嗰層嘅廁所係鎖住，咁佢就問個職員，個職員就答佢呢層個廁所因為有啲問題暫停使用，如果要用廁所就要落返大堂，咁嗰位家長就諗住落返大堂啦，正當佢行到去電梯位，又見返嗰兩位小朋友，嗰兩位小朋友直接走咗去廁所，因為個廁所係轉角位，正當嗰位家長想同個小朋友講聲嘅時候，佢行到去廁所門口，發現嗰兩位小朋友唔見咗，佢當下呆咗，然後即刻帶自己個小朋友走。


事後我問返喺嗰度工作嘅朋友，佢同我講，因為以前嗰度係工廠，話說嗰陣呢一層係嗰啲婦女工作嘅地方，佢哋好多時候都會帶埋啲小朋友一齊返工，而啲小朋友冇嘢做嘅時候，就可能玩吓捉伊人，咁就正正有一日，好唔好彩嗰度發生咗得一場大火，而因為為嗰啲小朋友玩緊捉伊人，有兩個小朋友，因為匿埋而被火燒死咗，跟住因為嗰度執咗轉咗第二間公司，自此就冇人再提過呢件事。

我個朋友就話佢成日都聽到有人唔會問佢，哥哥可唔可以陪我一齊玩，佢亦都係閉路電視度見到兒童樂園入邊啲車自己識郁。

咁事實係咪咁？可能你哋自己去發掘一下






哥哥姐姐，可唔可以陪我玩？