酒店奇談: 長相廝守

唔知你哋住酒店嘅時候會唔會發覺去到某一啲房或者經過某一個樓層會覺得有種奇怪嘅感覺？或者入到有間房有種俾人望住嘅感覺，總括然而係一種唔舒服嘅感覺

做開酒店嘅人都會知道，基本上每間酒店都總會有一啲房係唔賣，或者到最後一刻先賣晒日，而點解，大多數都係房間入邊有奇怪嘅嘢，例如長期都會有浸奇怪嘅味，或者埲牆發霉等等。而點解會咁？無從稽考

話說好耐以前嘅酒店，經常都會發生命案，而因為以前資訊唔係咁發達，可能就係報紙上面寫一句X酒店清晨時分發現一名男子倒臥在房間之類

而我聽過一個老前輩講嘅故事，個故事發生喺好耐以前，佢工作係一間九龍區嘅酒店，房間數量唔多，所以基本上都好容易認得啲客人，佢記得有一對情侶，長住咗喺酒店好耐，每日都糖黐豆，直至有一日佢返通宵嘅時候聽到呢對情侶喺後巷鬧交，聽到個女仔同個男仔講:點解點解呀？你永遠會愛我一個，永遠同我一齊。如是者，重複咗一陣之後就冇其他聲啦，咁位前輩都冇乜點理，因為返通宵，基本上成日都聽到出邊有人鬧交，咁都唔係特別，直到過咗幾日之後，佢發現得返個女住客喺度住，本身佢諗住同個女住客寒暄兩句，可能問候下，但係點知佢發現個女主客個心情好似同之前一樣，所以佢就停止咗呢個動作啦。

再如是這過咗幾日，有個執房嘅姐姐發現喺佢個樓層有浸異味，而搵唔到原因。亦都係當日，佢放假喺屋企睇緊報紙嘅時候，發現有一則新聞：喺X X河發現一具男性屍體，而且身首異處，頭顱未有發現，跟住喺隔離貼咗張相，佢當場就心寒咗一下，因為嗰位男士嘅相片正正係住喺佢間酒店嗰位男士，而因為當時資訊冇咁發達嘅時候，因為冇WhatsApp等等嘅通訊工具，所以佢都係返工先知道咩事，直到佢第二日返工，佢發覺嗰對情侶嗰間房已經退咗房，而聽返同事講，係有一批警察嚟捉走咗嗰位女仔，而個女仔走嗰陣，喺度大叫：點解要分開我哋？





而當時嘅高層為咗唔好影響間酒店，所以就冇同其他同事講，淨係落咗個備注話喺某某一天，因為其中一位住客犯咗法，所以俾警察拘捕咗

咁個故事講到呢度其實大家都知道發生咗啲咩事，直到流傳到而家據說嗰間酒店到而家都仲營業緊，而都總會係有一兩間房係唔會賣，亦都有人話住過喺嗰間酒店，會感覺到房間有人望住佢，同埋有浸怪味。


你話過會永遠同我一齊！