轉新工唔小心勾引咗個同事: 十九、最後派對

「我真係想見你。」我哋嘴唇之間只相隔一毫米嘅距離。「你唔想咩？」
想？唔想？我都唔知應該點答。
我有掛住呢個隨時喺我身邊嘅人，有掛住同佢上床嘅場面。
我冇掛住呢個連失戀都要推卸責任俾我嘅仆街，唔掛住因為佢而搞到我同老公僵持嘅局面。
如果我同呢個人永遠都唔會有結果，點解仲要浪費時間？
但既然都唔會有手尾跟，又唔駛你承擔責任，你怕咩？
天使魔鬼兩種極端嘅主張不斷喺我腦海出現，我完全答唔到。

「唔好。」我堅定地講出呢兩個字，令原本以為今次實食硬我嘅Matt有啲意外，慢慢鬆開手。
「點解？」


「有樣嘢我哋永遠都改變唔到，就係我結咗婚。由一開始我已經講咗，係你話唔會要求啲咩，我哋先開始。幾個月前係你話可以配合我，我哋先分開。而家你失戀，係你搵我，我先關心你。」我望一望Matt，佢又變返嗰個頹廢樣。
「點解唔可以好似之前咁，我哋唔俾人知咪得。」
「我唔想再經歷成日提心吊膽，做咩都驚俾人發現嘅感覺。其實你想要人陪啫，唔一定係我架。」
「你離婚咪得。」佢望住我，我從來冇期望過佢會講出口。
「你想同我結婚咩？你連拍拖都唔想啦傻仔。」我失笑。Matt冇再慫恿我要重新開始，默默地飲晒杯啤酒。

「你自己返去得唔得架？」我送咗Matt去的士站，咁大個人飲少少應該都仲返到屋企掛？
「我返去同你講。」佢行咗上的士，再向我揮手道別。我希望頭先大家咁樣攤出嚟傾，會了結咗佢一件心事，可以令佢放得低我哋嘅關係。

嗰晚之後，Matt返工嘅時候比以往沉靜，但相信佢係慢慢復原緊。公司開始就住Kathy同Matt嘅事傳出閒言閒語，有人傳係女方做主動，亦有人話Matt撬人牆腳。唔夠一個星期，Kathy就突然辭咗職，連散水餅都冇件就消失咗。


「你有冇關心下Matt？」Chris條八婆又嚟探我口風。
「冇啊，等佢一個人靜下啦。」我邊咬住零食答佢。
「佢呢排真係一粒聲都唔出，有時我都唔知佢有冇返工。」Chris邊講邊插隻手埋嚟攞我啲零食，仲以為我唔發覺。
「佢冇煩你，你仲開心啦扮晒嘢。」
「我驚佢唔返工卸晒啲嘢俾我做咋。」Chris講完就行返埋位。我拎起電話，輸入「你冇事嘛？」好想撳send，但係內心不斷掙扎。算啦，都係唔好多管閒事，佢有事會識得出聲架啦。

唔經唔覺，我喺呢間公司已經做咗一年多啲，我決定要離開。公關呢一行每一兩年轉一次工係常態，加上呢度福利太少、OT多，係時候要轉換一下環境。我轉工嘅進展一直只係同Chris透露，冇講過俾Matt聽，唔想引起啲咩意外。呢次搵工都算順利，好多就收到理想嘅offer，遞埋信等過通知期就走得。Matt知道我遞咗信之後都冇特別搵我，可能佢又專注返進修上面，大家各有各忙。

「下個禮拜last day？」一個沉咗底嘅對話突然間又浮返水面。我諗唔駛我講，你都估到係邊個搵我。
「星期五。」


「食唔食飯？」
又食飯？我諗咗陣。
「我book檯？」「hi？」「唔見咗人？」我都係冇覆。

「我想問你」
「？」
「你最想點樣同我做？」
「吓？」
「答啦」
「er…」「3P?」
「下星期五，你搵人。」

過埋下星期，我都唔會再見到Matt，佢嘅提議亦係我一直好想嘗試，咁不如當作係最後一次偷情嘅儀式，送俾大家最美好嘅回憶。

到咗當日，我五點鐘派晒散水餅就開始無所事事，唔係搵下同事吹水，就係執拾下自己位嘅雜物。我將啲文件夾同年度報告拎返落另一層，諗住擺返入會議室嘅文件櫃做記錄，咁啱遇到Matt開完會，執緊電腦準備上返office。我冇特意行過去同佢打招呼，就直接去做filing。我眼尾留意到有人向我走近，伸出手環抱我條腰，喺我頸邊深深呼吸咗一下，pat pat感受到有硬物緊貼。


「咁快忍唔住？」我轉身將雙唇湊近，見到佢垂涎欲滴嘅樣真係好有成功感，唔知佢期待咗幾耐呢。
「而家就想屌你。」佢霸道地將我壓向牆熱吻，上下其手，仲伸手入裙內捏我pat pat。
「等陣……」我邊喘氣邊嘗試叫佢冷靜，「喂……」
「嗯？」佢轉為進攻我耳仔，終於都肯停低。
「收工先啦。」我望住佢，摸摸佢臉頰。「一陣點屌都得。」再喺佢唇上錫咗啖，就轉身離開。

時間嚟到6點，我趁Matt唔喺位就即刻拎袋走人。放心，唔係想走數。
「灣仔88酒店」我send返呢個地址俾佢。
做人嘅嘢，好頭好尾，算係咁啦。