我和六合彩發生了一段不可告人的（性）關係: 【12】

「咦，你咁早起身嘅？」我問。

「我琴晚完全無訓過，無咗個頭套，我感覺好唔習慣，周身都唔自在！」

「戴住個頭套，我夠唔習慣、唔自在啦。」

「咁你快啲俾返個頭套我啦！」36號突然伸隻手埋嚟扯我個頭套。

「喂喂喂，你唔好夾硬嚟啦！你估我唔想除甩個頭套咩！」





36號有理無理，一味用蠻力扯個頭套。

我發現佢原來都幾大力。可惜嘅係，無論佢點樣用力去扯，個頭套就係無辦法除落嚟。

36號感到十分無奈：「唉…唔通我以後都變唔返攪珠波？」

「咦！我好似諗到辦法！」

忽然間，我靈機一觸，諗到一條「橋」。





「快啲講聽下！」

「好簡單，你同我琴日搞完嘢之後，你個頭套就轉移到我身上，咁如果我地再搞一次嘢，話唔定個頭套就會去返你嗰度。」

「下…又搞嘢？唔好啦，都唔好玩嘅。」36號露出嫌棄嘅表情。

「家陣唔係講玩，如果你真係想變返粒攪珠波，咁就要試下。」

36號搲搲頭，考慮咗一陣。





「唉好啦，我地再搞多次嘢，試多一次咁大把。」

雖然有啲唔情願，但36號最後都答應咗同我再做一次。

而同琴晚唔同嘅係，依家劏房入面多咗一個人。

為咗唔俾45號發現，我提議入廁所搞。

不過36號就嫌廁所太污糟。既然係咁，我地唯有揀喺上格床上面搞。

45號酒醉未醒，趴喺地下訓得好稔。

我就盡量放輕手腳，唔想嘈醒佢。