我和六合彩發生了一段不可告人的（性）關係: 【9】

唔知係咪啱先扑嘢扑太激烈，家下感覺到有啲頭重重、暈坨坨。

我摸一摸自己個頭（上面嗰個）。

咦？點解咁硬嘅？感覺好似多咗一個頭盔。

跟住我望一望身下嘅36號，佢原本頭上嘅頭套竟然唔見咗。

而且，呢一刻嘅佢，用好驚訝嘅眼神望住我：「你…我…我個頭套…你…」





見到佢咁嘅樣，我就知大事不妙。

我行落床，拎起電話，打開前置鏡頭，照一照自己個樣。

屌啦星…唔撚係呀嘛…

原本屬於36號嘅藍色頭套，竟然轉移咗到我頭上…

呢一刻，我嘅心情就好似《西遊記》入面至尊寶拎住照妖鏡，見到自己變成孫悟空一樣，感覺不可思議、難以置信。





「36號！點解我會變成咁架！」

「我…我都唔知…」

我用力扯開個頭套，嘗試除甩佢。

但無論點拉點扯，個頭套都係除唔甩。

之後36號過嚟幫手扯埋一份，結果都係唔成功。





既然扯唔開，咁我就試下甩fing佢。

點不知一fing個頭，我就「啵」一聲縮細變咗粒波，「咚」一聲跌落地下。

「喂呀，你唔好亂咁fing啦！」

「家陣點算好？我要點先可以變返個人？」變成一個波嘅我向36號求救。

「你...你試下喺心入面諗住『變身』兩個字，諗三秒。」

變身...變身...變身...

我照住36號所講嘅方法去做，喺心入面默念咗三秒「變身」。

第一次唔成功，第二次再試都唔得，好好彩第三次得咗，我成功由個波變返做一個人。





不過問題仲未解決，究竟點解36號個頭套無端端會轉移到我頭上？

「救命啊！救命啊！」

正所謂一波未一波未起，耳邊忽然間聽到有人嗌救命。

我當堂嚇咗一跳，因為啲聲唔係由隔籬屋傳過嚟，而係喺頭套入面出現。