17歲的夏天，被開發的過程: 一、序幕

我叫Summer，呢個唔係我嘅真名，不過因為呢個故事喺夏天開始，所以就用呢個身份嚟同大家講呢段經歷。

16歲嘅我，係一個已經拍咗幾次拖，但仲係怕怕醜醜嘅中學生。自問唔係好靚，好多朋友會形容我「得意」、「活潑」、「相處舒服」，所以我好易同男同學玩得埋，遇上真係鍾意嘅男仔嘅話，我會傾向俾暗示對方，等對方出手。

呢一年我中五會考（冇錯嗰陣仲有會考），因為唔想影響成績，所以我冇拍拖專心讀書。終於都嚟到放榜，我哋返咗學校拎成績，我本來就對成績冇乜期望，亦都冇打算，諗住煮到埋嚟就食啦。結果不出我所料，all pass但係分數太低，而有啲朋友分數高嘅已經諗好讀邊間，分數低又計劃咗報IVE，於是我就自己一個去咗搵學校。

正當我行緊去輕鐵站之際，我遇到一班平時唔熟、但偶然有一兩句閒偈嘅男同學，其中一個仲係以前同我曾經friend過一排。自己一個行咁悶，既然有識嘅人，梗係一齊行啦，只係當時嘅我又點會估到，呢次嘅偶遇會改變日後咁多事情。

聽住我把聲嚟睇故事：http://jmp.sh/LaPw4PNE