香港女孩: 第四章
第四章：阿鈴遇上獨角獸
話說之前一章，講到阿鈴係番學途中，遇到了一個巨大嘅黑影，佢以為係變態佬，但誰不知，係草叢跳出黎嘅，係一匹獨角獸！
咩話，獨角獸！
阿鈴咁大個女，都未見過咩獨角獸！
係佢面前，竟然突然出現左一匹，毛色雪白嘅獨角獸。
阿鈴心諗，應該只係幻覺，係因為自己尋晚夜訓，所以出現幻覺，但是，佢再睇真啲，原來唔係幻覺，係真係存在一匹活生生嘅獨角獸。
『呃……』
阿鈴唔知道，可以講咩野。佢心諗，到底依家做咩事，點解突然之間，會有一匹獨角獸出現係自己面前，係唔係有人係度拍電影？
但係，佢左望右望，又搵唔到鏡頭。
於是，佢就膽粗粗，走上前去問隻獨角獸。
『獨角獸先生，請問……』
『你係被選中嘅女仔，係三個被選中嘅女仔嘅其中一個。』
『咩話？三個被選中嘅女仔？』阿鈴聽唔明。
但係，獨角獸已經消失左。佢係講完呢番神秘嘅說話後，就消失左。
阿鈴想再搵番獨角獸，但係都已經搵唔到。
叮噹！突然，鐘聲響起。
阿鈴依家先記起，自己係番緊學。
死啦，遲到啦！
佢快快咁衝番學校。
但係，阿鈴唔知道有新嘅危機，係度等緊佢。就係學校度，等緊佢……