香港女孩: 第三章
第三章：阿鈴
另一邊，係香港度，出現左另一個同為三個香港女孩的第二個，就係就讀元朗商會中學嘅阿鈴。
佢係中二生，同小P一樣，都係唔鍾意番學，但係同小P唔同嘅係，阿鈴嘅成績非常差，差到一個地步，就連佢爸爸媽媽都唔信，佢竟然可以咁差。
『你又考零分啦！做咩成日都考零分，你冇溫書嘅咩！』阿鈴媽媽問。
『我有啊！』阿鈴回答。
佢明明已經補左六七間補習社，但係唔知點解，都係考零分，科科都係，仲衰過大雄，大雄都勁過佢。
『算啦，你都係唔好讀書啦！』阿鈴阿爸同佢講。
但係阿鈴唔當一回事，佢發誓一定要做醫生，就算成績好差，差到一個極點，佢都要做醫生。
『你可以咩？』忽然，有人同佢講。
阿鈴轉身，佢睇唔到呢個人，但係，把聲的確存在。
『你係邊個？係邊度？唔好匿埋，快啲出黎！』阿鈴好驚，好驚係變態佬。
元朗最近多左好多變態佬出沒，佢地會匿埋係草叢，再跳出黎嚇人。
忽然，一個巨大嘅影子出現，吞沒左阿鈴。