瘋狂鏡粉大戰食人喪屍: （24）

本來得票最高嘅人係薑毛，其次係教宗，第三係雀巢安。

第四係後加嘅選項「十二個人全部foul走。

I仁同Alton就分別排第五同第六。

呢次公投係以電子投票嘅方式舉行，基於投票系統一早set好咗無得刪除選票。

於是該名女高官就運用佢嘅權力，命令雙葉電台嘅人將投俾薑毛同教宗嘅「死人票」，統統轉移到I仁身上。





官字兩個口，雙葉電台無得拒絕，只能照做。

I仁原本只有45萬9千票，當加咗35萬死人票之後，立即就躍升成為第一名。

而所有死人票加埋一共有65萬張，I仁攞咗35萬，所以仲剩低30萬。

薑毛、教宗同雀巢安，排喺I仁後面，不過呢位女高官就唔太喜歡呢三個人，因此決定嚟個大贈送，將呢30萬票送曬俾Alton。

Alton原本只係排第六，結果多咗呢30萬票，此消彼長之下，直接一嘢扒頭升到上第二。





換句說話講 ，Alton之所以贏到，唔單止要多謝佢嘅歌迷、連登仔同埋一班喪屍，仲要多謝呢位女高官同埋呢30萬張死人票。

仲有就係，全民公投後來加多咗「十二個人全部foul走」呢個選項，其實都係呢位女高官喺背後推波助瀾。

佢知道鏡有唔少hater，假如加多呢個選項嘅話，應該會分散到唔少票源。

結果當然係一如佢所料，投「十二個人全部foul走」嘅人接近有48萬，咁樣𠝹走啲票，分薄票源，自然就對I仁更有利。