我嘅大學生涯 (有甜): 真心

離開醫院之後，我返到屋企直接攤係張床到。
 
頭腦仲係有啲暈同痛，好似中咗五條悟嘅無量空處一樣，發咗場好耐嘅夢。
 
夢入面我見到自己入到大學，仲學人玩Ocamp，識咗好多人特別係女仔。
 
其中有個女仔好似叫阿蓉？唔肯定有無記錯，但我記得佢好鍾意我。
 
唔知呢個會唔會係人地所講嘅預知夢，雖然我唔相信呢啲野。
 


唉不過終於返黎現實世界，都係搵阿樹打下機先。
 
阿樹：「吓你出咗院啦咩？無人同我講嘅，我仲諗住一陣探你添。」
 
我：「宜家咪同你講囉，雖然個人仲係飄飄地，話時話宜家學校點？」
 
阿樹：「大撚把功課等你做呀，想講Miss Chan仲叫我地幫你祈禱，希望上帝會帶返你返黎。」
 
我：「佢真係有撚病，唉唔好理住啦，陪我打場機先。」
 


阿樹：「屌你啦聽日要默書呀，你就話可以un un腳唔洗默姐。」
 
我不斷求佢，最後佢頂唔順cut咗我線，唉淡啦淡啦，所有野都變得公式化。
 
無野做嘅我係到睇電話，先發現有好多人問我做咩咁耐都唔返學，好掛住我，無計男神就係咁多女。
 
我無覆佢地，只係自拍咗張相Po上IG話自己仲未死得，準備強勢回歸。
 
珮恩：「食飯啦。」我係間房到已經聞到好香。
 


我：「我仲以為咩味咁香，原來係杯麵。」
 
珮恩：「喂呀你明知我唔識煮野食架啦，快啲食啦。」
 
我一路食一路望住淇淇個樣，唔知點解我個夢入面好似有啲關於淇淇嘅畫面。
 
珮恩：「做咩眼甘甘望住我？我塊面有野？」佢摸一摸自己塊面。
 
塊面...？
 
個女仔最後係學校天台跳咗落去，男仔落到地下，同啲同學跟住老師一齊離開現場。
 
男仔無意中望到女仔個樣，頭骨好似雞蛋殼咁碎開，塊面比血染上鮮紅色。
 
但死唔眼閉一直望住個男仔。


 
一諗返起呢個畫面我即刻忍唔住衝入廁所嘔。
 
珮恩：「做咩事呀？！你係咪仲有啲唔舒服呀？！！我call白車先！！」
 
我：「我無事...唔洗call白車...」我捉住佢準備打電話嘅手。
 
珮恩：「你見點呀？嘔哂出黎有無舒服啲？」
 
我：「嗯好好多，不過我諗我要抖陣。」
 
我坐係張沙發到，珮恩就坐係隔離拖住我隻手，個樣仲好唔放心。
 
一個咁好嘅女仔比我親手搞到跳樓自殺，我開始唔相信呢個只係夢咁簡單，因為個畫面太真確。
 


我：「對唔住...」
 
珮恩：「做咩無啦啦同我講對唔住呀？」
 
我：「我成日都忽視你感受...仲周圍撩女仔...搞到你好唔開心...」
 
我：「但我好想同你講，我真係好愛，好愛，好愛你。」
 
我：「係你教識我點樣去愛人，由一隻無腳既雀仔，變到終於識得落地。」
 
我：「只有你先能夠接受到我嘅一切，即使我幾咁賤格都好，你都唔介意。」
 
我：「所以...我好想你會比次機會我，我以後會好好咁對你。」
 
珮恩隻眼開始忍唔住喊，而我只係笑住咁幫佢抹眼淚。


 
珮恩：「衰人...你宜家咁樣算係點喎...」
 
我：「我只係想你知道，你一直都係我心目中排第一嘅女主角。」
 
我摸住珮恩個頭，佢已經「中」咗落我到喊到收唔到聲。
 
最後容許我用最真心嘅態度講出呢三隻字。
 
「我愛你。」
 
拜託，這不是我的妄想。