我嘅大學生涯 (有甜): 第七日

唔經唔覺呢個故已經寫咗一個月，唔知你地覺得好唔好睇呢，我自己就覺得仍然係劣品。
 
我寫呢個故嘅目的並唔係希望好多人睇，得到幾多人關注，而係同比我傷害過嘅人道歉。
 
所以呢個故著重嘅唔係劇情，而係個人感受，我將我所有嘅感受寫哂出黎，希望可以令到你地有共鳴。
 
可能你地會覺得一開始都寫得好地地，點解突然變到咁emo，甜嘅部份少咗咁多，一心諗住睇個甜故黎打飛機。
 
首先其實我真係唔太識寫甜，每次諗點樣寫扑野嘅動作都要諗好耐。
 


二黎我只係想用呢個故黎發洩，就好似人地用自己嘅感受黎寫歌一樣，人地憑歌寄意，我就憑故寄意。
 
所以你地去到後面覺得唔好睇我都唔會意外，因為好多時我都只係寫比自己睇。
 
但唔代表我唔重視你地，我好多謝會睇我個故嘅你地，話就話唔care點擊次數，但無你地我諗我都未必會繼續寫落去。
 
如果可以嘅話，我好想知你地睇呢個故嘅時候到底諗緊啲咩，有無可能留言話比我知，讚同屌我都接受。
 
如無意外嘅話，我諗呢個故應該都接近尾聲，雖然我都要諗下點樣埋尾。
 


呢七篇文寫比七個人，你地可以當對劇情完全無關，甚至skip哂我都唔介意，至少我想你地睇呢一篇。
 
我唔知睇緊嘅你地係幾多歲，中學生？大學生？已經出黎做緊野？不過我都只係一個二十歲嘅後生仔。
 
或者我未夠成熟，有時思想仲係好幼稚，諗野唔夠全面，仍然好任性，想寫咩就寫咩。
 
我唔知之後仲會唔會寫故，呢個故都只係我暑假太得閒無野做而開始寫，或者將來有靈感嘅話又會屎忽痕忍唔住手。
 
四年前可能食中疫情大家要留係屋企，所以我個故先多人睇。
 


四年後好多野都變哂，有人選擇離開，亦有人選擇留低。
 
可能你地會奇怪點解我要咁執着四年前四年後，因為如果有時光機嘅話，我都幾想返去四年前。
 
如果問我有啲咩想同你地或者讀者講嘅話，其實我都唔知，因為我都唔識你地。
 
不過係我心入面一直覺得你地睇得開心係最重要，雖然只係一個有真人真事嘅虛構故事。
 
同埋要講嘅話我好多謝你地陪我渡過呢一個月，一路走來不易，有幾次諗唔到點寫幾乎想放棄咁滯，多謝你地。
 
最後我希望你地每日都順順利利，等到呢個故完咗之後，記得返去現實世界到繼續努力。
 
雖然我知呢知故毫無意義同營養可言，容許我再講一次，至少我希望你地記得念茲在茲，將所有重要嘅事記住，而且相信一切都會係最好嘅安排，個天已經幫你準備好哂，唔好心急，慢慢黎。
 
多謝你地，Just Enjoy The Story！



請記得 誰和誰掠過
請記得 還有一份愛 不怕什麼
請記得 留住感覺 過渡在人海
我感激 曇花盛放
 
那記憶 最後還是愛
https://www.youtube.com/watch?v=JZYNGEudQx0