我嘅大學生涯 (有甜): 救贖

阿洛：「你地覺唔覺明仔好似唔同咗好多？」
 
Chris：「覺，明明一直都係個摺友，成個人突然型咗，同埋有自信咗咁多。」
 
阿洛：「阿燕你知唔知佢發生咩事？」
 
我：「唔知喎，可能佢又唔知識咗邊條女想溝掛，佢黎啦。」
 
明仔：「yoyoyo，頭先比人問我攞IG所以遲咗，叫咗野食未？」
 


阿洛：「你比人攞IG？」佢地兩個聽完之後都好驚訝。
 
明仔：「係呀，佢仲要怕怕羞羞咁，都唔知驚乜。」
 
Chris：「老友你好從實招來，點解最近好似變咗咁多？係咪條女唔鍾意你所以你即刻發憤圖強。」
 
明仔：「你地諗多咗啦，我之前Hea得滯懶得裝身姐，我不嬲都係咁。」
 
雖然阿洛同Chris都仲係半信半疑，但係都無繼續問落去。
 


我：「喂我約咗Hanna今晚食飯。」
 
明仔：「吓？咁突然？」
 
我：「仲突然，下個禮拜二就平安夜啦，拿我本身係叫佢同我食飯嘅，咁你明我意思啦。」
 
明仔：「你想我代你去？」
 
我：「叻仔，我幫你製造埋機會，你唔好令我失望呀。」
 


明仔：「我真係…得？」佢變返之前嘅明仔。
 
我：「你唔相信自己都相信下我，我話你得就得。」我搭一搭佢膊頭。
 
我：「到時買隻公仔送比佢啦，我見佢好似幾鍾意小熊維尼。」
 
明仔：「嗯，我知點做架啦。」
 
Hanna可唔可以由地獄上返黎，就靠你啦明仔。
 
Hidy：「你嘅目的就係想明仔去拆散Hanna同佢條仔，令到明仔同Hanna成為新嘅螢幕情侶？」
 
我：「差唔多啦，我知Hanna屋企好窮，佢為咗賺錢都無辦法，所以我一方面希望佢唔會失去名氣去搵錢之外，我更加想嘅係見到佢幸福。」
 
Hidy：「但佢一定會鍾意明仔架咩？而且你有信心明仔可以取代到佢宜家嘅男朋友，有咁多fans咩？」


 
我：「我知唔一定得，但唔試就一定唔得，如果明仔真心鍾意Hanna嘅話，我就更加有信心佢得。」
 
愛情有兩個極端，一係為佢付出自己嘅全部，一係就放棄自己成全佢地。
 
我相信明仔會用盡方法去救返Hanna出黎，用真心同誠意去打動佢。
 
我：「拿你睇下佢地啲story，係到撐枱腳呀。」
 
Hidy：「喂我都係到同你撐緊枱腳架，唔比理人地呀。」佢沒收我部電話。
 
老實講我都唔知自己點解要對Hanna或者明仔嘅野咁上心，明明根本就唔關我事。
 
或者我又係到期望自己可以幫人去得到救贖。
 


「唔好唔要我，我求下你…」
 
對唔住。
 
我：「Hidy呀，你將來會想要一個點樣嘅老公？」
 
Hidy：「咁突然嘅，唔…首先一定要錫我，會買Gucci包包比我！講笑姐，要考順啦，唔可以咁隨和，對我要專一，同埋個人有目標咁上下。」
 
我：「乜咁簡單就做到你老公。」
 
Hidy：「係架，但係我鍾意個啲係小小事就攞律師信告人架喎。」
 
我：「哇咁惡？我實做唔到。」
 
Hidy：「不過呢啲都係講架姐，最重要嘅都係睇下我對佢有無feel。」


 
我：「你想有啲咩feel，心動嘅感覺？」
 
Hidy：「又唔係嘅，好似你咁，我都唔記得鍾意你係咩感覺，好似已經變成習慣咁，我都講唔出呢種係咩感覺。」
 
我：「所以我話其實你都唔係鍾意我。」
 
Hidy：「唔知，我都分唔清，不過我唔想深究啦，可能之後就會知。」
 
我：「所以我一直都好驚有一日你會好似我咁樣，話走就走。」
 
Hidy：「唔會，我話咗唔會就唔會，我好相信你，所以你都要相信我。」
 
我：「雖然我都信你，但未來嘅野真係無人知，始終有日你會發現你鍾意嘅唔係我，然後離開我。」
 


Hidy：「夠啦...唔好再講啦...」
 
我：「我唔知我地仲可以維持到幾耐，至少呢一刻我仲係好愛你。」
 
Hidy：「點解你係都要整喊人架姐...」
 
佢一喊其他人就即刻望哂過黎，於是我拖住佢急急腳埋單走人，然後佢成為第三個上過黎我屋企嘅人。