我嘅大學生涯 (有甜): 女僕
我：「真架？！我又要去！我又要去！」我一時興奮得滯成個人跳起。
阿花：「吓...」
雖然見到自己識嘅人扮女僕Serve自己又有啲尷尬，但係我真係好想睇下佢著女僕裝，扮可愛咁變魔法個嗰樣。
係我苦苦勸說保證唔會亂搞事同埋唔會講比其他人聽嘅情況，佢終於比我跟埋一齊去佢間女僕咖啡。
成間Cafe 都好粉紅，件衫同Google個啲黑白女僕裝無乜分別，同埋已經有幾個肥仔係入面。
阿花：「你係到坐陣睇下飲咩，我去換衫先，要乖乖地呀。」
女僕：「主人~我地一齊講呢個魔法咒語，令到杯咖啡變得更好飲呀~」
肥仔：「好呀。」
女僕：「おいしくなれ~」
肥仔：「おいしくなれ~」
女僕：「萌え萌えキュン！」
肥仔：「萌え萌えキュン！」
女僕：「好野！主人杯野飲變得更加好味啦~」個女僕輕輕捉住肥仔隻手，我已經見到肥仔個樣幸福到好似上咗天堂咁。
(呢到想講句對唔住，因為我真係作唔到啲魔法咒語，所以我係上網Google的，求原諒，我真係作唔到出黎)
個女僕留意到我眼甘甘咁望住佢，於是同肥仔主人講一陣再返黎之後就行過黎我到。
熊熊：「呢位主人想叫啲咩呀？可以同我講架，我叫熊熊呀~」我近睇先發現佢個樣有啲似明里紬。
我：「我想要杯熱朱古力呀同一件蛋糕。」
熊熊：「係嘅主人，坐陣先好快就黎架啦~」
跟住阿花都換好衫出場，唔知點解有種幾違和嘅感覺，好似人地動漫展玩緊cosplay咁樣。
阿花：「點呀，諗好飲咩未呀？」
我：「喂你做咩唔叫我做主人嘅，人地熊熊一見到我就即刻衝埋黎問我主人想飲啲咩呀。」
阿花：「你唔鍾意嘅話咪搵佢囉，哼。」哼都哼得特別溫柔，然後佢就去咗Serve另一個肥仔。
我望住阿花係到同個肥仔變魔法，但係個樣有啲生硬同唔自然，不過我都明白，要對住一個肥仔滿面笑容，甚至有身體接觸，唔係個嗰都頂得順。
個肥仔好似唔太滿意，然後阿花就拎轉身走咗，另一個女僕就行埋去肥仔到。
熊熊：「主人，你杯熱朱古力同蛋糕呀~」
我：「唔該哂你呀。」我隻眼一直望住阿花係到嘆氣。
熊熊：「主人你係咪想搵個嗰女僕呀，佢新黎架，叫做阿花。」
新黎？咁唔怪之得表情會咁生硬。
我：「係呀，你可唔可以幫我叫佢過黎呀。」
熊熊：「係嘅主人~」然後佢就去咗搵阿花，而阿花有啲詫異咁行過黎。
阿花：「做咩又叫我過黎呀，你唔係想熊熊Serve你咩。」佢少少西面咁講。
我：「我都無話要佢，我想要你呀。」
阿花：「你諗清楚喎，我無佢咁溫柔，又無佢咁識氹啲男仔。」
我：「係啦係啦，總之宜家我要你serve我啦，你坐我隔離呀。」
阿花：「你想點呀？」佢好唔情願咁坐係我隔離。
我：「餵我食舊蛋糕。」
佢拎起碟蛋糕，用支叉斬開細細舊，然後擺係我面前。
我：「呀~哇！咳咳！咳！」佢一野隊落我喉嚨到，我第一次明白咩叫深喉。
阿花：「哈哈哈哈哈哈！！哈哈！」佢笑到其他人都望哂過黎。
熊熊：「你無事呀嘛？！」佢衝過黎比咗杯水我。
我仲係咳到講唔到野，不過揮揮手示意無事，雖然佢都係有啲唔放心，但係我叫佢唔洗理我。
我：「咳...玩野咩你...想整死我呀...？」
阿花：「你玩野先嘅，邊有餵客人食野嘅服務架。」
我：「呼...我以為有呀嘛，點估到有嘅唔係餵人，而係殺人架姐。」
佢見到我扮嬲個樣又忍唔住笑。
我：「不過笑下咪幾好囉，大家就係想睇你呢個笑容咋嘛。」
阿花：「你估咁易咩，你試下對住佢地呀，睇下你笑唔笑得出。」佢指住頭先個肥仔。
我：「萬事起頭難架啦，你咪想像下佢係你鍾意嘅人，可能會易啲呢。」
阿花：「想像？我驚我想像完返黎現實會忍唔住嘔呀。」
我：「拿我同你練習下先，你瞇埋眼，幻想一下你鍾意嘅人就係你前面。」
佢半信半疑，不過都聽我講瞇埋眼，開始進入幻想狀態。
我：「佢今日專登黎女僕咖啡到搵你，你一見到佢之後好高興同佢打招呼。」
我：「你問佢想食啲咩，佢答你要一杯熱朱古力同一件蛋糕。」
我：「好快就整完，你第一時間拎比佢，然後佢話想你變魔法，令到啲野更好食。」
我：「你up咗一大輪咒語，好努力咁令到啲野食新得黎同舊嘅一樣，而佢見到你咁落力亦都拍手鼓勵。」
阿花：「新得黎同舊嘅一樣...？」
我：「唔好嘈！跟住佢叫你坐係佢隔離，拎支叉吉起件蛋糕擺係你隻手到，要你餵佢食。」
我：「你有啲怕羞咁將件蛋糕擺落佢個口到，而佢一直都好深情咁望住你。」
我：「佢問你想唔想飲朱古力，你話做緊野唔可以飲客人嘅野，但係佢好想你飲一啖。」
我：「你諗到一個方法，你飲咗一啖朱古力，跟住用個嘴傳啲朱古力落佢個嘴到。」
阿花塊面慢慢咁靠近我，而我係呢個時候扑一扑佢個頭。
阿花：「好痛！」
我：「我叫你幻想無叫你行動，差啲就蝕咗比你。」
阿花：「咩喎，係你搞到人地諗得咁投入嘅。」佢扁哂嘴咁講。
我：「好啦好啦，咁你宜家get到未呀。」我飲啖朱古力再講