我嘅大學生涯 (有甜): 關係

聽日打風會出兩章慶祝，但開始發現暑假寫嘅存貨唔係好夠了。

需要各位的支持。https://www.instagram.com/swallow_in_paper_/

我：「你屋企係邊呀？我送你返去喇。」
 
阿念：「唔返！我唔要返屋企！」
 
我：「點解呀？返屋企可以大覺瞓架喎。」
 


阿念：「返到去都無人會陪我...」
 
迫於無奈之外，我惟有將佢帶返我屋企。
 
佢係架的士到挨住我膊頭瞓著咗，而我只係一直望住個風景。
 
期間阿蓉同Hidy都有搵我，但係我一個都無覆，唔知點解我唔係好想理佢地住。
 
返到去之後，我只係將佢放咗落我張床到，用毛巾浸熱水敷一敷佢額頭。
 


我有一刻就想將佢就地正法，唔好話我咩偽君子，我確實係有諗過搞佢。
 
我始終都係覺得借酒行凶呢樣野係唔可以接受，雖然實比人話放生巴西龜，但至少我唔似其他人會趁佢病攞佢命。
 
佢瞓到成隻死豬咁樣，我沖完涼見佢仲瞓緊，所以坐係佢隔離睇陣電話。
 
我趁呢段時間覆返阿蓉同Hidy，以為佢地有咩重要野，結果一個同我講佢今日出咗街玩，另一個同我講佢好掛住我。
 
但因為我自己都飲咗唔少，睇睇下都有啲睡意，最後唔小心趴係佢到瞓著咗，一起身已經係朝早11點。
 


可能係起身個我動作大得滯，整醒埋佢。
 
我：「你醒啦？個頭痛唔痛呀？」
 
阿念：「唔...我係邊...？」佢未瞓醒個樣好得意，蒙下蒙下咁。
 
我：「你係我屋企呀，琴晚諗住送你返去，你又唔肯講你屋企係邊。」
 
佢即刻彈起身，望一望自己啲衫，仲係齊整的。
 
我：「放心啦，我琴晚無搞你。」
 
阿念：「係唔係呀，掂下都有掛？」
 
我：「無呀，要我搞隻死豬不如唔好搞。」我刷住牙咁講。


 
阿念：「你就死豬，我記得琴晚你有份隊我飲架。」
 
我：「係啦係啦，但你個身好臭呀，你拎我啲衫沖個涼先啦。」
 
阿念：「吓？會唔會唔係幾好意思呀？一係我走先啦。」
 
我：「唔洗唔好意思啦，重點係我驚你出到去臭親人呀。」我求其拎咗件衫同條褲比佢。
 
阿念：「明明我琴日有噴香水架，唉沖咪沖囉。」
 
係佢沖涼嘅時候，我就準備整早餐，作為一個獨居老人，少少廚藝都要嘅。
 
簡單講就係等佢差唔多沖完去煲水，然後淥兩個杯麵。
 


阿念：「一出黎聞到陣香味，以為你咁勁煮啲咩出黎，結果係杯麵。」佢著住我對西瓜出黎。
 
我：「咁你食唔食呀，唔食咁我食埋佢。」佢即刻衝過黎維護自己個杯麵。
 
跟住大家都無出聲，好專心好靜咁食個杯麵，因為我個腦暫時係一片空白。
 
阿念：「係呢，點解你琴晚...唔趁我飲醉搞我嘅？」
 
我：「我唔想趁火打劫，至少我唔係啲咁嘅人。」
 
阿念：「係咩，都唔知你係咪扮出黎博我好感定點。」
 
我：「你想點諗就點諗啦，主要係一陣比你報警告我強姦會好大獲。」
 
阿念：「我食飽lu，參觀下你屋企先。」


 
佢係到打量緊我個屋，唔知點解有人種比人監視緊嘅感覺，就好似比人用閉路電視望住，雖然我屋企好亂。
 
我：「你睇還睇呀，唔好亂搞我啲野呀。」
 
阿念：「點解呢到啲相，張張都唔同人嘅？」佢指住我貼係櫃上面嘅一啲即影即有同貼紙相。
 
我：「個啲女仔係我啲ex黎，我當留個記念姐。」姑且當佢地做ex，雖然好多都係中出即飛。
 
阿念：「唔得囉，如果我有男朋友嘅話，我一定會叫佢扔哂。」
 
我：「吓？點解要扔？」
 
阿念：「佢留住證明佢對佢個ex仲有留戀啦，已經有我啦喎，佢愛我嘅話仲留戀之前啲人黎做咩？」
 


我：「你係咪唔記得你個名點黎？念茲在茲呀。」
 
每段關係嘅結束代表嘅唔係完結，而係經驗嘅累積，而我地帶住呢啲經驗，係下段關係入面成為一個更好嘅情人。
 
但人際關係係終生嘅課題，無人可以完美咁處理每段關係，我地只能夠不斷學習，盡量令每個人都唔會受傷。
 
阿念：「至少我唔會記住我前男友啲野囉。」
 
我執好啲野，佢就入返我間房到繼續睇，我驚佢突然又搵到啲咩出黎，於是快快手搞掂入埋去。
 
阿念：「哇你都識彈結他架？」
 
我：「唔識呀，係我之前個ex送比我嘅，點呀，呢個無得扔走啦掛。」
 
阿念：「梗係唔扔得啦！呢個好貴架！」
 
仲係到講乜野ex送嘅野要扔，事實就係貴嘅唔扔得，便嘅任扔。
 
佢拎起我支結他，係到彈啲音出黎，而我都估唔到佢識玩。
 
阿念：「你想聽咩歌呀？睇下我識唔識。」
 
我：「我想聽初音未來的消失，有無可能？」
 
阿念：「我屌你啦，正經啲啦。」
 
我：「唉，咁...我想聽... 於心有愧。」