我嘅大學生涯 (有甜): 鬧劇

過咗30秒之後我地都無講野，我拖住佢出返去商場，再出去出面個海濱到坐。
 
知唔知點解啲人鍾意夜媽媽一個人望住個海？因為個海就好似佢地個心一樣。
 
個海係下面收埋咗好多野，正如我地收埋咗好多秘密係心入面。
 
望住個海就好似回顧返自己，有時浪大，有時風平浪靜，有起有落。
 
Hidy：「你知唔知每次見到你ig po你同你女朋友一齊我都會忍唔住喊。」
 


Hidy：「我好羨慕佢有你錫，唔開心個陣有你氹，我都好想試下。」
 
我：「可能因為係佢第一次拍拖，我唔想令佢第一次就受傷，先會咁著緊。」
 
Hidy：「佢真係幸運。」
 
我：「咁你呢，你同你男朋友又點識。」
 
Hidy：「同佢又係玩Ocamp識，佢個陣做我組爸，成日都睇住我，可能個陣我傻下傻下，成日聽人話要拍拖，然後又有個樣唔算差嘅男仔埋身，所以先同佢一齊。」
 


Hidy：「但你問我鍾唔鍾意佢，我會答鍾意，因為佢真係對我好好，咩都就哂我，型起上黎個陣分分鐘仲型過你呀。」
 
我：「拿我就唔信有人型過我嘅，不過咪幾好囉，有個咁嘅男朋友。」
 
Hidy：「你女朋友又點呀，你話係佢第一次拍拖，咁你同佢一齊開唔開心呀？」
 
我：「開心掛，但係佢好痴身，成日都好驚我唔要佢，而且又無你咁淫，我同佢都未搞過添。」
 
Hidy：「喂喂喂，拍拖好似唔係下下都講扑野架喎。」
 


我：「可能啦，但係如果佢唔想搞嘅話，我都唔會逼佢。」
 
Hidy：「唉，不過我男朋友好耐都無同我搞過，最近話忙緊做fyp，想同佢出下街都唔得。」咁樣姐係...？
 
我：「姐係你當我水泡，佢唔得閒搵你，你就黎搵我。」
 
Hidy：「唔係呀，絕對唔係。」
 
我：「你呃我感情，當我狗咁撚，所有野都係假嘅。」我企起身望住佢。
 
Hidy：「我唔知點解你會咁諗，但你信我，我無當你係水泡！」佢亦都好激動咁企起身。
 
結果我先係比人玩個嗰，果然投入太多感情，傷嘅只會係自己。
 
Hidy：「你唔好走呀！」佢用力拉住我隻手。


 
我：「做咩？驚無咗個水泡？驚無咗個人同你搞野？」
 
Hidy：「唔係呀！點解你唔信我姐！」
 
我：「所有野都係假嘅，你係咁搵我只係你男朋友忙緊，好啦到佢得閒嘅時候，我就比你扔埋另一邊。」
 
Hidy：「原來鍾意你係錯嘅，我唔搵你係驚阻住你同你女朋友，我做乜都錯，你女朋友先啱。」
 
我：「但事實上我對你根本可有可無，你只係搵我攝時間。」
 
Hidy：「點解你要咁諗我，之前你女朋友嬲你唔理你，你就搵我黎出氣，我咪又係肯出黎比你屌。」
 
我：「你唔明，你唔明我有幾鍾意你。」
 


Hidy：「你鍾意我嘅話你就唔會下下都提住佢同緊張佢，你當我弱智呀？」
 
我：「我緊張嘅人一直都係你呀。」
 
Hidy：「咁宜家呢？你氹返你女朋友，我就可以唔洗氹，淨係比你用黎發脾氣。」
 
我：「所以我一啲都唔想再去愛人，我明明已經放低咗呢樣野架啦，點解你地又要出現係我人生到姐。」
 
Hidy：「但係我仲想愛你呀。」
 
我：「只要我做傷害人個嗰，我就唔會受傷。」
 
Hidy：「你一直都傷害緊我，亦都慣咗傷害我。」
 
我：「你覺得你無傷害返我咩？」


 
Hidy：「我次次都想留住你，反而係你次次都話走就走。」
 
我：「你講大話。」
 
佢行過去望住個海，嘗試為呢場鬧劇劃上一個句號。
 
Hidy：「燕，如果我有個鎖可以鎖住你就好啦，其實我一直都唔介意做你止痛藥，咁樣你可以一直都開心。」
 
Hidy：「我想你同佢一齊開心，我唔想你同佢一齊開心，好矛盾，但係我又可以點？」
 
我：「我淨係想你之後每日都會陪住我。」
 
「戀不來 從厭倦裏面偷取恨愛」
 


真實對白，我唔期望你明白每一句，我只希望你能夠感受每一句。