我嘅大學生涯 (有甜): Ocamp(三)

佢拎支仲有一半嘅橙汁擺係將個地下係到轉，支橙汁停低，指住珍妮。
 
珍妮：「我揀真心話。」
 
Nathan：「我轉就我問啦，簡單啲先，珍妮拍過幾多次拖？」
 
珍妮：「一次，不過唔好提啦，個條友雖然有錢，但淨係識聽阿媽話。」跟住佢就轉支橙汁。
 
阿洛：「大冒險。」
 


珍妮：「唔...同組媽望住對方十指緊扣十秒。」
 
阿洛塊面即刻紅哂，相比之下Hidy輕輕鬆鬆，主動握住佢隻手，兩隻眼望住佢。
 
而佢仲要比Nathan捉實個頭先夠膽望住Hidy，不過Hidy又衰，仲要對佢單眼，試問有邊個男仔對住朱茵單眼又會唔心動。
 
十秒之後，阿洛接近昏迷狀態，宣佈暫時離場。
 
Hidy：「咁我抽啦...唉唷，係阿燕喎嘻嘻。」
 


我揀：「我揀真心話。」玩Truth or Dare老閪都一定揀Truth。
 
Hidy：「有咩問呢...不如就問下你...最想同在場邊個人搞野呀？」
 
所有人目光即刻係哂我到，特別係麻呼，而我亦都好果斷，拎起杯vodka一飲而盡。
 
哇好撚啃，明明個樣咁似水，點解飲完我個喉嚨反而好似比火燒咁緊。
 
雖然只係一shot，但70%始終都係70%，我本身都唔係一個飲酒勁嘅人，個腦已經有少少暈暈地。
 


我嘗試保持意識轉支橙汁，結果轉到阿贏。
 
阿贏：「大冒險呀。」
 
我：「就同明仔錫一啖啦。」我醉住咁講。
 
阿贏：「吓...」
 
佢望住杯vodka，再望住我隨時準備瞓低個樣，猶豫咗好耐。
 
但其他人已經按捺不住，不斷大叫嘴佢、嘴佢、嘴佢。
 
麻呼：「錫一啖咋嘛，好快架姐。」麻呼嘗試係佢耳邊說服佢。
 
阿贏深呼吸一啖，行到明仔前面，抬起佢個頭，然後好似戰爭惡魔幫淀治打完飛機，再錫落佢到一樣。


 
錫完之後，阿贏同明仔望住對方，無諗到錫完一啖，跟住嘅係兩條友係到打茄輪。
 
而我見到呢個畫面，好似功成身退一樣，即刻瞓低咗。
 
到我醒返個陣，我已經係張床到。
 
第一時間望下自己仲係咪衣衫齊整，結果係，唔知點解我有少少傷心。
 
Bella：「你醒啦？」佢係廁所到出黎。
 
我：「Bana...唔係，點解你係到嘅... 都唔係，應該問點解我會係到嘅」
 
Bella：「你飲醉咗呀，我頭先咁啱諗住去你個組到玩，結果一入去就見到你準備比人分屍。」
 


我：「唔係真事呀嘛。」我即刻扮哂野捉住自己啲衫。
 
Bella：「你放心啦，我唔會搞你架。」佢拎咗杯熱茶比我。
 
我：「你唔搞我但係又趁我醉帶我入你間房？」仆街，明明應該係男執女屍，點解宜家好似調轉哂。
 
Bella：「因為我好想了解下你。」佢好認真咁講。
 
我：「吓？了解下我？嚴格上我同你係互不相識，只係個陣比你R咗黎呢個Ocamp，有咩好了解？」
 
Bella：「唔係呀，只係...我覺得你同一個人好似。」
 
蔡煒燕。
 
Bella：「你比我嘅感覺同佢好似，接近一模一樣，惟一唔同嘅就係你無佢咁張揚，你會識得先收埋一下自己，睇定啲先再做決定。」


 
居然睇得出我模仿嘅對象就係蔡煒燕，呢個Bella都有啲料。
 
我：「無錯，因為我就係學緊佢，甚至話嘗試成為另一個佢。」
 
Bella：「但係你唔會成為到佢，就算你幾努力去扮佢都好，扮嘅始終都做唔到真。」
 
我：「係咩？事實就係所有女都鍾意我，就算我幾賤都好，佢地都唔會嬲我，好似宜家咁，我同緊個女仔一齊，同一時間又撩緊另外一個，甚至連Hidy我都扑埋。」
 
Bella：「唔代表啲咩，要認真講嘅話，你最多咪同Fuck Boy Chris一樣。」
 
我：「你講咩呀！攞個垃圾Fuck Boy同我比？！」我比呢句說話嬲到直接企咗起身，目露凶光咁望住佢。
 
Bella：「你咁嬲係因為我無講錯，而我講呢啲亦都唔係想令你難受，我只係想講，高比無論點都唔會做到MJ，就算啲人話佢係咩最接近MJ，或者下一個MJ都好，但佢一心只係想做佢自己。」
 


我無理佢，只係打開佢房門準備走。
 
Bella：「終有一日你會明白我講嘅野。」
 
我返到去我個組間房，麻呼第一個留意到我返咗黎，衝上前問我點。
 
麻呼：「你點呀？個頭痛唔痛呀？個嗰莊員有無搞你呀？」
 
我：「無事啦，個人清醒返好多，佢地呢？」
 
我宜家先發現，佢地一個二個都飲到醉哂，瞓哂係地下。
 
姐係話麻呼一直都係到等我返黎。