一覺瞓醒，你竟然同我講香港有喪屍2-雙龍: Zombie 06：喪屍？咪玩啦.

三人看著討論區的相片和影片，一時之間說不出個所以，只是覺得事件並不是政府所講的那麼簡單。
 
「會唔會係咩戲嘅The Making Of？睇落有啲假囉！」寒天龍不屑道。
 
「雖然唔係頭先個癲婆，但係佢嗰樣都係差唔多，兩隻眼好似充晒血噉！」胡炎陽激動得雙手顫抖。
 
正當三人聚精會神討論的時候，寒一鳴突然出現打斷了三人「唉！阿張醫生冇聽電話，佢個女話佢前日俾個病人咬親，仲喺醫院，不過佢話止咗血應該就冇事，唔好濕水同食牛肉喎。」
 
「佢個女都係醫生咩？」寒天龍問。
 




「唔係，噉人哋個老竇係醫生吖嘛，噉佢應該都識少少嘅！」
 
三人沒有回應，只在心裡反了個白眼而已。在沒有辦法之下，唯有就是等莫子謙自己醒過來而已。
        
「如果呢幾日都係噉嘅話，屋企啲嘢食根本唔夠五個人，樓下個雪櫃好似都係得幾罐啤酒汽水，好似都仲有幾包餅。」寒一鳴打開冰箱檢查著。
 
「噉不如我上網買吖，睇吓附近間佳叔有咩貨先，你哋繼續睇吓個討論區，一陣話我知有冇咩新發現。」羅悅佩一手把寒天龍的手機拿走。
 
「喂！部機我㗎，同妳交換返先啦！」寒天龍突然表現得非常緊張。
 




這詭異的舉動令羅悅佩產生懷疑，裝作生氣的樣子走回寒天龍的面前「你係有啲咩唔俾得我睇呀？」
 
「冇……冇咩唔睇得，不過換返先啦！」
 
「哼！冇就得啦。」羅悅佩拿著寒天龍的的手機走到沙發坐下，留下其他人在飯廳。
 
拿起手機準備瀏覽時發覺竟然要輸入密碼，羅悅佩又走回寒天龍的面前質問，經過一來一回，終於進入了手機界面。
 
一解鎖就看到自己跟他的合照，那是當時拳賽前的一張合照，兩人笑得非常燦爛。雖然看到後有點心酸，但卻充滿甜蜜的感覺。
 




羅悅佩好幾分鐘都只是望著同一個畫面傻笑，完全忘記自己應該做的事。
 
飯廳那一邊卻是非常認真的三人，通過剛剛胡炎陽發生的事和這幾天的異常，發現這可能比相像中來的嚴重，猜疑政府把事實的嚴重性隱瞞起來。
 
聊著聊著，胡炎陽突然想起了一件更覺詭異的事「點解條街會冇晒警察？尋晚仲有好多警車聲嘈生晒㗎……」
 
「又係喎，點解呢？」寒一鳴疑惑道。
 
寒天龍因為聽覺而完全感受不到這樣的煩惱，但通過他們的對話可以猜想到這一定是出現了問題，按常理，發生這樣的事，警察很快會出現才對。
 
「嘩！痴線㗎！一樽水要兩舊水？一盒雞蛋成千蚊？」羅悅佩拿著手機衝向眾人大聲抱怨起來。
 
寒天龍雖然聽不到，但從羅悅佩的表情可以得知應該是發生了什麼大事，他沒有說話，而是全神貫注看著其他人的嘴唇，分析著他們的對話。
 
「啲咑！啲咑！」羅悅佩電話突然發出了系統通知聲，畫面上面顯示著討論區有新回覆，是那個諸葛一明的回覆。




 
我都話㗎啦！條友唔會再有任何回應，仲再線等！挑！
 
我可以好肯定同你哋講，咬人嗰啲就係喪屍，證據呀仆街！
 
睇唔睇到？我喺窗影出去㗎！嗰隻喪屍咬死咗個𡃁仔，然後個𡃁仔又起返身，同嗰隻喪屍一樣，行路趷吓趷吓，對眼紅到呢！
 
你班仆街再唔信就自己去街上面睇吓！
 
留言到這裡就沒了，而其他吃花生的會員回應已經沒之前那麼惡言相向，而是詢問著解決方法。
 
「條友咩料？好似好清楚發生梗咩事，會唔會係政府啲人？」胡炎陽猜測道。
 
「睇落似嗰啲電影發燒友多啲，尤其係喪屍。」羅悅佩加入討論。
 




聊著聊著，胡炎陽突然想起「噉仲訂唔訂貨？一係我返去拎埋雪櫃啲嘢過嚟啦。」
 
「一齊啦，多個人多個招應。」寒天龍提議。
 
留意到羅悅佩突然臉色一變，胡炎陽立即搖頭「我一個人比較方便，我跑過去好快，兩個人反而會拖慢速度。」
 
眼看胡炎陽已經講得那麼直白，寒天龍只好點頭目送他離開。
 
「阿陽，拎把刀去！」寒一鳴不知何時手上多了一把水果刀。
 
「師父，一把刀仔有咩用喎？收返佢啦！」
 
「叫你拎就拎啦！」寒天龍堅持。