(青梅竹馬)逆。時光: (94)

「嗯。好似你岩岩咁講，你首先送左我返黎，正當我想入廚房沖杯茶比你解下酒。點知一出黎，你就係梳化訓著左啦。叫左你好多次都唔醒。而且我見你出曬汗，件衫濕曬，咪幫你除左佢囉。呀，估唔到你都幾大隻下，平時做開gym?」

Shirley作勢摸過來，但我輕輕地推開了她。

「呀，依個唔係重點。繼續講返先，我琴晚明明訓左係梳化，點解我今朝起身會係你張床到架，我係唔係對你做左d咩...」

「我見琴晚翻風，我霎時間又搵唔到多張被，咪捉左你入房訓囉。拿，唔好以為我係d咁隨便ge人呀，我見大風，廢事整到你病炸。」

「咁之後呢?」我馬上問道。



「之後呀，唔...我咪慢慢咁扶你入房囉。呀，你果時又醉唔曬喎，我扶果下你又識自己行。扶完入房，跟住就大教訓到第二朝。」

「無啦?」

「無啦。哈哈，你個死咸濕仔，你唔係以為我地咩呀麻。」

「呀...我就係驚我發酒癲，咩左你呀。」

「你敢，話比你嘉欣聽你就死緊呀。」



「呼，咁都好d。嚇得我，原黎虛驚一場。」我拍著心口，鬆了一口氣。

但Shirley有一樣重要的事情沒有告訴我，就是當她扶我入房時，我不斷低聲叫著一個人名。

司徒嘉欣