(青梅竹馬)逆。時光: (77)

今天上學前，我收到John的來電，他相約我於放學後到某樓上咖啡屋，說是有點話想告訴我。當我到達咖啡屋時，遠處已經看到坐在窗邊的John，他身穿白色間條恤衫，配上一條卡其色的長布褲，臉上戴著一副黑眶眼睛。他正坐在椅子上靜靜地看書，故我並沒有大聲呼喚他，只是慢慢地走到他坐的位置。
 
「峰哥，到左好耐?」
 
「嗯?到左啦。唔係呀，我都係岩岩到姐麻。」John微笑著說。
 
「係呢，今日做咩無啦啦咁好叫我出黎飲野。」
 
「天，係你心目中，何謂正，何謂邪。」John注視著手中的書，淡然地問。
 




「嗯?我覺維護正義的一方為正，破壞正義的一方為邪。」他給我的印象素來是不拘小節，很容易便會嘻哈大笑的人。故他突如其來嚴肅的態度讓我有點不知所措。
 
「咁點為之正義?如果一件明明是正義之事，只有你和一小撮人認為是對，但絕大多數人認為是錯，件事你重會唔會堅持做落去?」他仍然保持那目無表情的臉問道。
 
「唔......如果件事我堅信係正義，我會繼續完成落去。」我認真地說。
 
「唔理其他人點睇?」
 
「唔理，堅信自己。」
 




「哈哈。」John聽了我的答覆後慢慢地脫下眼鏡，並放下手頭上的書，大聲地笑道。
 
「嗯??有咩咁好笑。」我一面不解地問。
 
「哈哈，無，睇黎扮認真真係唔太岩我。」原來剛才的表情全都是裝出來的。「雖然認真係扮出黎，不過D問題我係認真問的。」
 
「認真問，你岩岩問哥D問題想帶出D咩?」我真是給他搞得一頭霧水。

「你係咪鍾意欣欣?老實答我。」看來John這次認真的表情不是裝出來的。