(青梅竹馬)逆。時光: (76)

「係呢，依幾年你係英國讀緊咩呀。」
「你係果邊有無識到囡囡先。」
「你諗住......」

我和嘉欣輪流以問題轟炸著司徒晉峰，但他都很有耐性地一一回覆，問題之多，也令我們多少都有點不好意思。但在好奇心的驅使下，我們繼續提問，直到吃完這頓飯。

「天。」John搭著我的肩膀說。

「嗯?」





「你同嘉欣返去先，我想自己出去行下，順手幫我拎埋d行李返屋企先。」John對著我說。

「嗯，你自己小心。」說罷，我便拉著John的行李和嘉欣先行回家，留下John獨個兒夜遊回家。當然，我仍需揹著嘉欣行一段路，但嘉欣看在我要拿行李份上，只揹了五分鐘便主動要求下來，並和我一同拿著行李回家。

John吃完晚飯後，獨個兒乘車到尖沙咀海旁，看見對岸仍是萬家燈火，腦海浮現兒時的回憶，有喜也有悲。七年後重遊故地，雖然時過境遷，附近的建築物已今非昔比，但他仍對這裹有一種莫名其妙的熟悉感。看著看著，不期然發出一聲長歎。

「先生，睇黎你有心事喎。」John的身旁傳來一把聲音。

「嗯?其實又唔係咩煩惱GE，係見到依家GE香港有少少感慨姐。」John望一望，原來站在身旁的是一名少女，看她也不像壞蛋，故他把感受坦白地說出來。





「係咩?反而我面對ge係一d煩惱。」少女繼續望向維多利亞海港，淡然地道。

「煩惱?如果你唔介意，你可以向我傾訴。」John本著大哥哥的性格，認真地說。

此時，少女終於把視線轉回John，同時大聲笑道:「同你講?哈哈，你真係好有趣。」