(青梅竹馬)逆。時光: (12)

終於到了出發的那天。印象中當天早上還不到七時，媽媽把我從夢鄉中強行扯回現實。她如軍官般的口吻「請求」扮演著小卒的我幫忙把行李搬到樓下。故我完成簡單梳洗後，一家人便帶齊所有行李，乘升降機到樓下集合了。剛步出大廈門口，瑪莉姨他們的身影即時在眼前出現，我猜想他們也是剛剛到埗，於行人路上等著我們。

「喂瑪莉早晨呀，等左好耐呀?」媽媽趕緊上前，熱情地打招呼。

「唔係呀，我地都係岩岩先到!」瑪莉姨沒有些許遲疑便以慣用的答案回應。

「早晨呀，各位!」

「早晨呀嘉欣，喂!衰仔，同瑪莉姨佢講早晨啦，真係丫!」





「早晨呀瑪莉姨，叔叔。」 

「你未同我講喎!」嘉欣裝作生氣地說。

「係係係!早晨呀，大美人嘉欣! 」我即時好假的肥仔上身，以朗誦的方式向她請安。

「早晨呀皓天。」危險!嘉欣的招牌笑容下意式地發動，所以我眼神決定先迴避一下。

「好啦，夠鐘啦各位!皓天，我個女拜託你啦，好好享受放榜前依段日子啦!哈哈!」叔叔臨行前也不忙挖苦我一番。





「緊係唔係啦，嘉欣，你幫手睇實個衰仔呀，如果佢蝦你，你記住話我知!」這個可惡的媽媽，說話也真夠狠，在別人面前也絲毫不為兒子留有半點餘地。

「嗯，我會架啦，你地玩得開心D啦!BYE BYE」

「BYE BYE啦!」

如事者，我和嘉欣便一直揮手，從巴士慢慢地變為一點，直至在眼角中消失才停止。

「皓天，嘻嘻!去你屋企啦。」





和嘉欣同居的兩星期，由這刻正式開始。