(青梅竹馬)逆。時光: (11)

時間倒數: 出發前一天的傍晚

叮噹，(開門聲)。

「咁早就上黎呀嘉欣。」

「係呀姨姨，媽咪話早少少上黎擺好行李，跟住再一齊去食飯呀。」

「嘩，你都拎幾多野喎，下次叫皓天幫你拎就得啦!」





「嗯!喂，皓天，我黎左啦，快手出黎啦，嘻嘻。」嘉欣說完後又只顧傻笑。

「黎緊啦，係房都聽到你把聲啦......」從我從房中走出客廳之際，也是我看傻眼之時。

「嘩，洗唔洗拎喼呀小姐，好似去旅行的唔係你喎。」

「哼，你地男仔識咩丫，女仔有好多必需品架，你睇。」

此時，嘉欣正準備打開行李箱，替我上一課「女孩子行李箱大揭秘」。我當然不會為此感到任何興趣，故正在轉身返回房場時，身後傳出嘉欣的尖叫。





「呀!!!點解入面無野架!!!呀!!!」

正當嘉欣大叫時，遠處的門玲再次響起，「叮噹」。

「係，黎緊。」媽媽立即走到門口迎接這位身份不明的訪客，一開門，門外再次傳出呼喊聲。

「嘉欣嘉欣，你拎錯左我個喼呀，你果個係到呀。」

正所謂「粉面含春威不露 丹唇未啟笑先聞」，不用看樣子，只聽到這把特別的聲線，就知道是瑪莉姨來了。可能用聲線甜美來形容一位四十多歲的女士來得有點奇怪，但我也真的找不到第二個更適合的字詞來形容這把聲線了。你們可以想像為兒時雜誌附送的錄音帶中，說故事姐姐那把甜美聲音吧。





但更為重要的是，嘉欣不止遺傳了她媽媽的聲音，更遺傳了「大頭蝦」這個惡習。