First Fantasy 你睇我寫 - 故事創作的心路歷程與補完: 1. 關於《純文字發洩之作》- 首登：20240619

1. 關於《純文字發洩之作》- 首登：20240619

《純文字發洩之作》係一個純粹以文字嚟達到發洩效果嘅創作。故事嘅骨幹同角色由一啲舊嘅章節重新拼湊出嚟。不過絕對唔係成個故事嘅出現都係從一開始就諗定，最初真係只想將零碎嘅幻想寫成一啲無咩架構、無咩前因後果嘅故事，一晚之內可以睇完之類嘅作品。可能係因為事隔多年再睇返呢啲所謂零碎嘅幻想寫成嘅嘢，又會覺得可以加入今日新一層嘅幻想，結果反而組合出一個更大嘅幻想故事。

如果睇返頭十話，可能會未見故事嘅脈胳，因為最初真係無聊嘅作品，直至故事加入傳說，故事脈胳逐漸浮面。作為創作人，除咗得到本來嘅發洩滿足外，亦加上一層創作發洩嘅意義。

強調「純文字」係因為First Fantasy 由第一日開始就唔係只有文字創作。
Instagram: @morironin