那些年，我錯過了的愛情: 7.

成程路我哋都係閒聊居多，無再好似之前噉樣乜都講。
係圖書館溫書，個個男仔見到佢都會睥住我，我都唔係幾好意思，好想同佢地講佢前排先婉拒咗我。好彩嘅係佢仲識分寸，成程都無捱過嚟，都好認真咁溫書。
但係慘嘅係我囉，成程坐係佢隔離，望就一定會忍唔住望，一唔係望心口就係望腳，咁誘人嘅身體真係好難唔望。我隻眼就不停來回係心口，大髀，書度打圈望，我話溫得入腦都奇啦。所以結論就係今日大飽眼福，明天繼續努力。
大概6/7點，我約咗婷姐出嚟食飯，順便避一避呀怡。我哋揀左附近間茶記，叫咗啲野食就好似討論。
「屌！！！痴撚線架，本身我已經唔知黐咗邊條線咁約佢溫書，佢又真係肯喎。」我一論嘴咁講。「唔知佢咩事，佢今日著住黑絲短裙嚟同我溫書，大佬呀，點忍呀，佢又拒絕我表白，又噉樣引誘我，擺明唔想我溫書姐。」
「嘩...... 著到咁。」婷姐都嚇咗嚇。「戰鬥格嚟架喎，唔係想溝仔都唔會咁著啦。我果陣咁著都係想溝仔，你知唔知佢之後有無約人架？」
「撚知咩，我都係打算溫書咋嘛，都俾人拒絕咗仲邊打算死纏爛打。」我無奈到搖頭嘆息。聽著背景播住首《寧願當初不相見》。「真係，寧願今朝不相見。書又無溫過，淨係望住鐘意嘅女仔，但係佢冇打算同我一齊。自己溫咪幾好。」
「食飯啦，悲劇王子。諗嚟都無謂啦，就快dse，唔好沉迷女色啦，上到大學大把女俾你揀。」佢借啲依又俾幾啖飯我，藉口係要減肥。
「頂你個肺，我哋下次不如揀間遠少少嘅好無。」我1眼尾睄到，都唔咁岳高頭，對住婷姐講。
「邊度呀，睇過~~」佢即刻伸長條頸周圍望，好快就鎖定到目標，成間舖得一個著緊黑絲短裙。「喂，ok喎~~唔怪得知溫唔到書啦，俾著我，我都溫唔到。不過，佢好似同一個後生仔食飯喎，係咪你情敵呀。」




我嚇到彈起咗，搞到成村人望住我，呀怡當然都有望啦。如是者，我同佢都坐咗係一個彼此都唔識嘅異性對面，四目相覷。「最怕空氣突然安靜...」又係個仆街背景音樂，就嚟聖誕節播《lonely christmas》。
我哋到走都無搵過對方，以為就咁就無事，睇嚟我睇少咗女人。