First Fantasy 純文字發洩之作 (New: 40 - 13/9 - 重新上架): 面臨停刊 - 結構重組（首登 20240921）

面臨停刊 - 結構重組（首登 20240921）

估唔到First Fantasy 會經歷一次咁樣嘅地震，恕我無辦法詳細解釋一二。可以話First Fantasy 如果想繼續行落去，開始無辦法唔諗社會責任、以及資源問題，因為創作需要資源，創作會有影響，影響會決定資源，亦會決定仲可唔可以繼續創作。
因此，First Fantasy會喺之後嘅一段時間進行徹底性嘅結構重組。

利用各平台嘅優劣嚟決定post嘅級別
- Instagram / 紙言 屬第一級，以後會以免費形式作公開大眾化水平嘅內容。
- Buy Me a Coffee 屬第二級，以支持者定價及會員形式，主力post進階水平內容。
- Patreon（一個我素來唔想用嘅平台），主力post終極完全版內容。由於Patreon限定，終極完全版內容必須以Patreon-only形式發放。
- YouTube 將會暫停。





有睇過畫作及《純文字發洩之作》嘅朋友，應該了解First Fantasy 創作嘅質與數量。質量方面，我當然唔會認一等，但整體超越一般方間水準，以及罕見。數量方面，以我嘅創作時間分佈，一張畫作等如一集故事，需一日至三日不等。當然，畫作主題比較即興，故事就有好多早期安排，所以故事會嚟得浪接浪，而畫作就似海嘯，呢啲內容都會係大家成為會員後保證嘅。加上，Patreon 嘅條例某程度上保障咗作者及讀者、創作人及受眾，令創作可以相對放心，有望再行前半步。

Instagram 畫作會大整理/紙言會繼續免費故事內容。明白部份人士可能會理解上述為「總之收錢啦」，甚至認為睇下畫，睇下文，唔應該要畀錢。的確，有部份人士係會睇少創作，認為自己份工一定辛苦過坐喺度畫畫、打字嘅人，講真，錯唔晒，不過創意工業唔係靠體力勞動，而係用少數人去推動多數人嘅腦筋角力。具實力嘅創作人一句說話可以提升勞動者整體嘅生活質素，希望大家明白。雖然係咁，免費渠道去畀唔同人士以低成本了解藝術創作係重要嘅，因為藝術創作唔應該係有錢人嘅玩意。之前我講嘅會員內容，大家唔好想像可以令First Fantasy富起來，實在只係營運經費。若仍然未能說服你，我希望最少免費內容可以畀你睇得完故事、知道有張咁嘅畫出現過。

以上結構重組將會逐一進行，希望大家耐心等待，並多多支持。
最後，《純文字發洩之作》第四十三、四十四話，將會以上述結構重組形式試放。