First Fantasy 純文字發洩之作 (New: 40 - 13/9 - 重新上架): 第四十三話 - 無辦法（首登 20240918）- 重新上載

第四十三話 - 無辦法（首登 20240918）- 重新上載

Instagram: @morironin

***記得去睇《頭40話小分析》，仲有好多好玩嘅內容陸續登場。免費post嚟㗎，未睇嘅，快啲去睇喇。多謝。

***請去睇《面臨停刊 - 結構重組》了解First Fantasy 最新安排。

***由於結構重組，相信未必好多讀者睇過呢集。





***如果大家嫌段落安排唔理想，請到Buy Me a Coffee閱讀 https://studio.buymeacoffee.com/dashboard （盡量完整版），
***Patreon則有完整版。https://patreon.com/morironin?utm_medium=unknown&utm_source=join_link&utm_campaign=creatorshare_creator&utm_content=copyLink

正文： 

Hugo、Jayden 、Phil 同Joe係自小學相識嘅好朋友，本來大家都會升讀第一幻想中學，不過升中嘅時候，Joe同家姐鬥氣，結果Joe無跟隨家姐升讀一幻，而走咗去二幻讀書，Hugo、Jayden 同Phil亦因此同Joe 分開。

不過，呢個分開無令佢哋四人關係疏離，（BMC盡量完整版; Patreon完整版）所以無論如何，三人都要好好keep住Joe呢個好朋友。

又因為Joe一直都唔妥佢家姐，（BMC盡量完整版; Patreon完整版）當然，所有嘢都只係流於細路仔打嘴炮嘅水平，從來無咩事發生過。





嚟到今日，三人甚至好似已經對Joe嘅家姐失去咗興趣，而將注意力投放喺近期爆紅嘅天台少女，一幻嘅高年級學生Charlotte 身上。

今日放學之後，四人嚟到Alex打工嘅快餐店。

Hugo：喂，係咪今日啊？
Jayden ：係啊，六點live 。
Phil：咁突然？今日開live嘅？
Hugo：唔突然啦，遲添喇，它奈子沉日已經出咗post啦，話嗰條係AI片喎。
Jayden 有啲不滿：我唔睇它奈子㗎喎。




Hugo即刻安撫Jayden ：得，得，得，唔講它奈子，今日淨係睇召喚兔。
Joe：其實你哋講咩啫？
Phil突入：六點喇！
Jayden：睇緊喇！

它奈子同召喚兔係香港兩大女VTuber，已經喺網上形成兩大對立陣營，由於Charlotte 喺海山樓嘅天台少女短片喺網上瘋傳，所以兩人紛紛借題發揮。

YouTube直播上，一首召喚兔嘅主題曲過後，一盞射燈照住空無一人嘅舞台。射燈周圍照都唔見有任何人。

Jayden 馬上留言：兔兔！

射燈繼續周圍照，仲係無人出現喺舞台。

Jayden 再加速，連續輸入十幾個同樣嘅留言。其餘三人只係望實手機，除咗Jayden 之外，數以百計類似留言迅速爆現，留言上升嘅速度令人根本無可能睇到啲留言到底寫乜。





最後，一個碎鼓配樂聲之下，千呼萬喚嘅召喚兔始出來，突然彈出畫面中間！

召喚兔：Hi，大家好啊！

原來呢個係召喚兔一向嘅出場方式，要subscriber喺佢未出嚟之前大量留言先會出場。

召喚兔雖然係VTuber，但人物設計精美，可愛嘅樣貌同性感衣著樣樣齊全。Jayden係四人之中最投入嘅一個，早就一對少年鹹濕眼望實召喚兔，Hugo 、Phil 亦不遑多讓。
Joe反而有少少保留，諗：你哋唔係鍾意我家姐㗎咩？

召喚兔今晚嘅直播就係為咗講天台少女Charlotte 嘅大熱片段：嗱，沉晚有人就話呢條片係AI造嘅，我就覺得講呢啲嘢嘅人根本唔知咩係AI囉。樣樣嘢出奇、特別就話係AI，其實今日嘅AI係咪真係可以做到條咁嘅片先…

Jayden ：咪係囉！條片拍得超正，啲光線、角度完全唔似AI囉！

正當其餘三人只係齋睇直播，Jayden 已經畀咗$100 superchat 召喚兔。





召喚兔：我就覺得香港仲有啲咁勁嘅人啊，我召喚兔都想跟佢學下嘢囉！嗱，大家留意喇，天台少女Charlotte 之前有個post，有人就話係呃錢post嚟嘅。到底係唔係呢？係咪又係樣樣嘢都話人哋係呃人㗎呢？關於呢件事，我召喚兔一有消息，就會即刻同大家喺呢度講㗎啦！跟住落嚟就係….讀Superchat 時間！！！

唔理大家了唔了解VTuber嘅運作生態，我哋嘅網上世界就係有一啲咁嘅事發生緊。

Joe疑惑：佢講緊咩post啊？
Phil：二幻仔，叫你讀一幻㗎啦，嗱，我哋學校就有咁嘅正嘢喇。

Phil即share Charlotte 個隻抽比賽招募post畀Joe 睇。

Joe細聲講：會…會唔會係假㗎？畀錢、（BMC盡量完整版; Patreon完整版）…佢好靚喎…
Jayden：白痴！你聽唔到兔兔點講㗎咩！
Phil鹹濕眼向天：我都想參加啊…
Hugo：成$5000喎….
Joe：仲…仲要打….
Jayden 係四人入面家境最好嗰個：嗱，咁喇…大家用假名…我哋一齊去試下佢係咪真喇…




Hugo、Phil、Joe：….
Jayden見三人猶疑：唔試啊？
Hugo、Phil、Joe：….

三人當然係因為錢嘅問題而卻步，不過Jayden 真正嘅諗法係，如果佢哋四個去報名，咁就可以有藉口聯絡召喚兔，話自己可以畀料佢，藉此亦可以親近召喚兔。當然啦，細路仔緊係有幻想過，如果係真嘅，打贏咗，（BMC盡量完整版; Patreon完整版）永遠覺得要有friend死埋一齊，我諗...我們都是這樣長大的啦，所以Jayden呢個小小有錢仔，就決定要呢三條友同自己「陪葬」。

畀咗錢嘅呢個夜晚，Phil呢個既得利益者喺自己張床上面已經當自己打贏咗隻抽比賽喇。

（BMC盡量完整版; Patreon完整版）

Hugo就比較大膽少少。

（BMC盡量完整版; Patreon完整版）

Hugo驚訝：啊...吓...Joe家姐...





（BMC盡量完整版; Patreon完整版）

Charlotte同Joe家姐突然覺得兩人中間，有嘢喺度阻住佢哋。

Jayden勉強同Charlotte、Joe家姐講：你哋借借，畀少少位佢啦。

兩人互相皺眉，最後都係畀中間嘅嘢逼開咗。

（BMC盡量完整版; Patreon完整版）

Jayden：兔兔...
召喚兔：Jayden...我哋今晚開live啊...好唔好啊？

至於Joe…Joe嘅幻想有少少唔同...

Joe嚴肅咁講：Hugo...Phil...Jayden….一世人四兄弟，有今生無來世...（BMC盡量完整版; Patreon完整版）...嚟...唔洗喊...我家姐就係房入面...呢條就係我家姐房門條鎖匙...

（BMC盡量完整版; Patreon完整版）

讀者們，大家睇清楚，呢個少女，就係一幻嘅校花，Sue。

喺遠方，難少啱啱收到呢四個人嘅報名。

難少一睇，點頭：唔...夠數啦...喺時候開始安排第一場比賽。

難少面對漆黑嘅夜晚，企咗喺勵德邨圓形大廈嘅天台。今晚，佢打算同Charlotte影一輯黑夜嘅天台少女相。

Charlotte早排話唔舒服，休息過後，今晚終於可以出動，於是放學後就同難少一齊嚟到呢度。

難諗：之前有細路攪攪震，又有阿伯玩嘢，希望今晚可以順利...

難少開咗航拍機：開始啦。

Charlotte聽到難少嘅指示，於是慢慢行到大廈中間嘅圓形邊緣。

呢種本來諗住可以為大廈各單位多採自然光嘅設計，同時亦營造出深淵嘅恐怖感，一層一層圓形曲線喺人嘅視覺上形成指示方向嘅錯覺。無錯，影相係會好靚嘅，不過呢種指示方向嘅錯覺對企喺邊緣嘅人尤其危險，只要稍為精神唔集中，就會失去重心。今日嘅Charlotte就係要挑戰呢個拍攝場境。

Charlotte赤腳企喺邊緣，雙手向空中兩邊打開，執住本來包住自己嘅大披肩角邊，等大披肩可以隨風飄揚。

（BMC盡量完整版; Patreon完整版）

其實我有勸過難少，影呢啲相，用電腦執啦，洗鬼真係咁樣喺現場拍咩。不過難少話，Charlotte已經愛上咗天台危攝。

Charlotte自己係咁諗嘅：阿森，呢種高危，先可以畀到我有當日同你喺天台操場時嘅感覺。（第十一、十二、十四話）

（BMC盡量完整版; Patreon完整版）

呢種就係屬於天台嘅高潮，天台嘅魅力。

正當Charlotte孤高獨享天台高潮，今日嘅Charlotte果然精神欠佳，失足，畀大廈嘅圓形深淵吸咗入去。

Charlotte精智不清，諗：阿森，我要嚟搵你喇...

呢個時候，難少一手俐落將（BMC盡量完整版; Patreon完整版）Charlotte一抱入懷：你唔舒服喎。

Charlotte無講嘢，已經昏迷咗。

啱啱Charlotte攞住嘅大披肩亦隨風飄去。

深夜兩點，Jayden四個男仔都好攰喇。不過呢個時候，Jayden竟然喺四人嘅Whatsapp group send 咗個好重要嘅message：喂，Joe，佢話唔畀你參加喎。
Joe：咩話！點解啊？
Jayden：佢話你係二幻人喎，今次比賽只准一幻人參加。
Hugo驚訝：又話用假名？佢又知我哋一幻定二幻？
Jayden：點知佢啊，佢又好似真係堅勁喎，咁都查到。
Phil：畀咗錢㗎喎。
Jayden：佢退返畀我喇。
Joe：吓？咁即係得你哋三個可以參加？
Jayden：係啊，佢話會再各自聯絡我哋喎。
Joe：痴線㗎！有錢都唔賺！
Jayden、Hugo、Phil：...

呢一刻嘅Joe已經好攰，但又啱啱收到個咁嘅消息，好似畀人遺棄咗一樣。（BMC盡量完整版; Patreon完整版），但係而家就連搏一舖嘅機會都無咗，令Joe極度唔甘心。不過，令Joe更加心煩嘅唔只係畀人遺棄，而係喺呢個時候，佢嗰個一幻校花家姐Sue竟然喺凌晨兩點幾嚟發出擾人清夢嘅聲音。Sue發出嘅聲音唔嚮，不過對於男人嚟講就非常敏感。

（BMC盡量完整版; Patreon完整版）

Joe不屑，諗：妖！成日扮正經，又話係咩一幻校花，（BMC盡量完整版; Patreon完整版）。

有時兩姐弟嘅關係都可以有Maggie同阿森咁樣，或者Sue同Joe咁嘅兩極。不過Sue同Joe係點樣開始唔妥嘅呢？我哋睇下之後Joe會唔會講。大家都唔好怪Sue點解之前對Alex咁差（第二十七話），（BMC盡量完整版; Patreon完整版）

第二日清晨，Charlotte醒咗，難少就坐喺隔離，講：Charlotte…
Charlotte聲線微弱：我喺邊啊？
難：我哋係第一幻想醫院啊。
Charlotte：...第一幻想醫院...阿森...
難：阿森喺樓上...你唔好郁住喇...
Charlotte：我...
難：你頭先喺天台暈咗...
Charlotte：...
難：睇嚟你係有啲唔妥喎...
Charlotte：...

難少見Charlotte呢個情況，已經心知不妙，不過又唔想講出口。

呢個時候，一幻護士嚟到幫啱啱醒返嘅Charlotte做檢查。護士同難少四目交投，發現原來大家係識嘅。

難：Martina ? 
Martina：Lanson ? 原來佢係你朋友嚟㗎啊？
難：係啊，咁，我出出去先。
Martina：好啊，我哋轉頭先傾啦。

呢個Martina當然就係啟發Elizabeth跳繩keep fit嘅Martina（第四十二話），當日Vanessa仲同Elizabeth講Martina係神級護士，要Elizabeth唔好騷擾佢跳繩keep fit，令人以為Martina係神聖不可冒犯，但而家睇佢同難少講嘢嘅語氣，兩人好似好熟咁。

難少喺走廊等，諗： 如果Charlotte真係有咗，計返比賽嘅日子，咁好有可能有結果之後，（BMC盡量完整版; Patreon完整版），睇嚟都要定兩手準備喇。上次喺海山樓嗰單嘢（第四十話），如果喺比賽之內發生，點都要搵人執手尾先得。

Martina幫Charlotte檢查完畢，嚟到走廊見到難少。

難少靈機一觸：Martina…
Martina：...

難少同Martina傾咗一輪醫院嘅內幕，恕我唔方便同讀者講咁多喇。不過關於Charlotte嘅，就可以同大家講嘅。

Martina：你話墮胎啊...？
難：...
Martina：Lanson，你明㗎喇，（BMC盡量完整版; Patreon完整版）問題唔在於技術，我哋醫院大把醫生做到，大家係驚其他嘢啫。
難：...醫生都咁迷信㗎咩？
Martina：迷信？我真係唔知佢哋咁樣算唔算係迷信喇。總之，之前你講嗰啲，我可以幫你處理，至於（BMC盡量完整版; Patreon完整版）...咁啦...你唔好諗咁多先，我哋幫佢驗清楚再講啦。
難：...
Martina：我哋通知咗佢學校，學校有人嚟緊。

之後，Martina就走咗，難少就入返去睇Charlotte。

難少同Charlotte互望不語。

直至有個男人衝咗入嚟，呢個男人神情非常緊張，佢就係第一幻想中學嘅訓導梅主任：Charlotte！Charlotte！你點啊？
Charlotte：...我...無事...
梅主任太過緊張，無理到身邊仲有另一個一幻學生就講咗句：係唔係...?
Charlotte：...
難：未知。

難少咁樣搶答，梅主任同Charlotte自然都知道大家諗緊乜嘢。

梅主任真係太過緊張，記得佢之前曾經同Charlotte承諾過（BMC盡量完整版; Patreon完整版）（第三十四話），不過事情嚟到今日，梅主任竟然唔係咁講：Charlotte！我哋結婚啊！我會照顧你哋㗎！
Charlotte：...

梅主任咁講，莫講話Charlotte呆咗，就連難少都畀梅主任嚇親。

Charlotte：...主任，你唔好咁啦，我哋唔係㗎嘛。

難少有啲忍無可忍：你嚟係講呢啲嘢㗎咩？主任。

梅主任身為學校代表，而家實在尷尬到要搵窿瓹。

難：而家報告未出，學校代表已經到咗，我諗主任你可以返去先㗎喇。
梅主任：...
Charlotte：...主任，係囉，你返去先啦，我要休息㗎喇。

梅主任無奈，唯有暫時離開。

片刻，Charlotte同難少都只可以沉默相對。

難少苦問：如果真係呢？
Charlotte斬釘切鐵咁講：落咗佢。
難：...
Charlotte：一定要落咗佢。難少！你幫我搵辦法！

呢次可能係Charlotte首次命令難少。

難少拎拎頭：我無辦法。
Charlotte唔敢相信難少嘅回答：... 你無辦法？

呢次肯定係Charlotte首次聽到難少話無辦法。

Charlotte：醫生、護士，你點都識幾個喇，你會無辦法？
難：...風險本身就唔低，加上...呢啲嘢...係我控制唔到嘅範圍。
Charlotte：...
難：...
Charlotte：... 梅主任曾經講過，佢會幫我搵人落咗佢。
難：... 但係..睇佢頭先咁樣.. 唔似會畀你咁做。
Charlotte：...

片刻。

Charlotte：... 夠參加人數未？
難：...夠喇，我哋就咁搵咗幾十萬。
Charlotte：咁照去啦。
難：...
Charlotte：照開始比賽。
難：... 
Charlotte：你諗咩啊？而家報告出咗喇咩？
難：... 
Charlotte：未啊嘛？咁可能唔係呢？咁計劃照去啦！難少！
難：... 
Charlotte：難少！我要計劃照去啊！

難：... Charlotte！你答多我最後一次，我甚至可以話埋畀你知，你唔同我，你可以揀梅主任，你一樣會生活得好好㗎。

Charlotte託異：我會揀梅主任？係，我可以揀梅主任，我唔會生活差，我會有小朋友，會有屋企！不過！
難：... 
Charlotte：不過！我就等於背叛咗阿森！我真係可以咁樣開開心心咁過一世咩？
難：... 
Charlotte：...

難：... Charlotte，對唔住，你真係相信我呢個方法可以幫到阿森報仇？
Charlotte：...
難：... 

Charlotte：唔係報仇，而係我要做返自己要做嘅嘢，而且要做到最好。梅主任呢個option...我做唔到。

兩人沉默片刻。

難：...唉...唔緊要喇，大不了就當呃下人錢。
Charlotte：...
難少諗咗一諗，苦笑： 我可以呃得好好睇嘅。
Charlotte推咗一推難少：... 而家未知嘅...
難：... 再唔係...嗰幾十萬，你攞去做手術...當打和囉...
Charlotte再推咗一推難少：... 都話而家未知囉...

難少再苦笑咗一下。

片刻。

Charlotte：乜你有個名叫Lanson㗎咩？
難少低頭點咗兩下，望窗：... 係啊。

第四十三話 - 無辦法（首登 20240918）- 完

Instagram: @morironin

***記得去睇《頭40話小分析》，仲有好多好玩嘅內容陸續登場。免費post嚟㗎，未睇嘅，快啲去睇喇。多謝。

***請去睇《面臨停刊 - 結構重組》了解First Fantasy 最新安排。

***由於結構重組，相信未必好多讀者睇過呢集。

***如果大家嫌段落安排唔理想，請到Buy Me a Coffee閱讀 https://studio.buymeacoffee.com/dashboard （盡量完整版），
***Patreon則有完整版。https://patreon.com/morironin?utm_medium=unknown&utm_source=join_link&utm_campaign=creatorshare_creator&utm_content=copyLink