［重口味］SEX x FAMILY: 第三十八回 不速之客
第三十八回 不速之客
（八年前）
志文好辛苦先張公司轉虧為營，慢慢開始上軌道，好多嘢都越做越順，生意越做越大。
屋企兩個細路有老婆照顧，基本上自己唔使點粗心。
喺公司又有一個紅顏知己同自己一齊打拼。
呢段時間可以話係志文最開心嘅日子。
佢同愉悅關係亦越來越親密，對於好多喺大陸開廠嘅香港人，喺上面有頭家好平常，所以其他人見到佢兩個出雙入對都冇乜大反應，不過有一個人例外。
呢一日大陸廠嚟咗一個好少喺度出現嘅人。
正當志文同公司其他人喺度開緊會嘅時候，公司秘書忽然他們沖入嚟。然後企愉悅身邊細細聲同佢講嘢。
志文望一望愉悅面上嘅表情好似見鬼一樣心知不妙。
志文面色一沉跟住同其他人講：「今日傾到呢度，你哋出去先。」
講完所有人都出去做嘢，唯獨是愉悅繼續坐喺度。志文即刻問：「乜嘢事？」
愉悅嘆咗一口大氣話：「你阿爸上緊嚟。」
兩個人對望咗一眼冇出聲。 因為大家都知道呢個人好麻煩。
志文話：「做嘢先，佢嘅事等我處理。」
愉悅話：「忍得就忍佢始終係你阿爸。」
「嗯。」志文應咗一聲之後，兩個人都離開會議室。
返到自己房間繼續做埋手頭上啲嘢。
就喺志文埋頭苦幹時，房門突然打開咗。
連敲門聲都冇，當然知道呢個係邊個。
抬頭一望見到一個人揸住拐杖行入嚟，志文立即企起身行過門口叫咗聲：「阿爸。」
程天生冇理會個仔只係話：「呢間辦公室仲大過我之前嗰間，好有氣派呀。」
志文話：「因為要見客所以需要間大啲嘅辦公室。」
晴天生拉開志文坐緊嗰張凳然後自己坐咗落去， 望住窗外話：「我喺度嗰陣時出面仲有一塊爛地，現在已經起咗咁多大廈。」
志文話：「係呀，呢幾年變化好大。」
程天生繼續講：「 如果唔係我當初有眼光喺呢度開廠，呢度邊有咁旺呀。」
志文問：「阿爸你今次上嚟有乜事？」
「冇...我呢啲老嘢都唔擠得幾耐，所以襯行得走得想去其他地方玩下啫。」
原來係道別，總算鬆一口氣，志文話：「阿爸你想去旅行呀？都好呀去其他地方玩下放鬆下。」
「旅行？旅行唔使錢呀？」
志文聽到呢句已經知道佢來意話：「咁阿爸你需要幾多？」
程天生冇應佢只係舉高一隻手指， 志文望住佢就估到佢要幾多，於是好快手落咗張支票簿出嚟寫咗張check然後畀阿爸。
當程天生望到張支票佢喺度笑話：「你講笑咋，一百萬去得邊呀？」
志文一直忍住唔發火只係因為佢係自己老豆。
「公司冇咁多現金，最多只可以攞到一百萬。」
程天生話：「公司冇啫你有呀嘛。」
志文忍無可忍於是話：「阿爸， 如果我有錢我都放曬喺公司度啦。」
「咁好呀，既然係咁間公司係我嘅，我鍾意點就點， 好多人都對我呢間公司有興趣，或者係時候可以同佢哋傾一傾。」
「阿爸，你唔好咁過份喎，我接手關公司時公司一毫子都冇幾乎破產，現在嘅成果全部都係我一手一腳打返嚟，你憑乜嘢買公司。」
晴天生企起身話：「就憑我係呢度老細。」
正當兩父子鬧到火紅火綠時，房門再度打開，見到愉悅好緊張咁走過去志文邊話：「你個女喺香港出咗事呀入咗院，你快啲返去睇下。」
聽到呢句志文乜都唔理立即刻衝出門口。
程天生對個孫女入院毫無反應， 佢只係攞住手上張支票，慢慢行出房間。
當佢經過愉悅時望住佢，微微嘴笑話：「你就係我個仔個情婦呀，唔錯呀幾靚女呀。」
愉悅知道呢個人好麻煩唔想同佢糾纏於是話：「我出返去做嘢先啦。」
就喺佢準備走嘅時候，程天生一手捉住佢話：「咁急走去邊呀，不如陪下老人家仲好啦。」
愉悅輕輕咁捉住佢隻手然之後鬆開話：「對唔住呀程老先生，我仲有好多嘢做唔得閒。」
講完就行咗出去。
程天生一路望住愉悅個pat pat喺度陰陰嘴笑。
志文好快由大陸趕返香港第一時間去到醫院，見到個女瞓喺病床，身上面插滿好多喉管同埋儀器，而老婆同個仔坐係床邊。
志文問：「個女點呀？」
敏儀喊到眼都紅晒好攰咁話：「 流感引發腦炎，現在陷入昏迷狀態。」
志文好緊張問：「咁醫生點講？」
「仲未過危險時期。」
「點解會搞成咁？」
「我以為只係普通流感，冇諗過會變成咁嚴重。」
見到老婆好自責個樣，志文安慰佢：「 放心啦，過女一定冇事㗎。」
講係咁講，見到個女嘅情況一啲都唔樂觀。
望見個仔僕喺阿媽大髀上面瞓著咗於是同老婆講：「你哋都好攰，送個仔返去先，呢度我睇住。」
敏儀明白坐喺度其實除咗等冇嘢可以做到。
「我送咗個仔返屋企先，之後再過嚟。」
「嗯。」
當老婆同個仔走咗之後，志文一個人坐喺度陪住個女。
睇住啲儀器指標不停跳動，忽然間有一種內疚感，自己原來一直冇好好照顧個屋企。
志文捉住個女隻手，內心不斷祈禱希望個女冇事。
喺大陸揸長途車返落嚟實在太攰，不知不覺瞓著咗。
瞓瞓下突然之間扎醒，眼前見到一張空床個女唔見咗。
志文好緊張四維搵，但係間房咁細一眼就望曬。
於視乎行出房間，到有個姑娘於事問：「你見唔見我個女喺邊呀？」
姑娘望一望房間唔見人，於是走去詢問其他同事。
竟然冇人知道發生乜嘢事，一個十歲鈿路唔見咗醫院大為緊張， 立即動員所有人去搵程悅。
就喺呢個時候，敏儀返到嚟得知個女唔見咗，
兩公婆好緊張四圍搵，但係醫院咁大一時間唔知邊度搵好。
就喺佢哋唔知點算好嘅時候，聽到有護士大叫：「搵返個細路女啦。」
兩公婆當然好開心第一時間衝出去。
見到有一個職員拖住程悅返嚟，敏儀即刻衝上前攬住個女，
搵返個女大家都好開心。志文問個職員：「喺邊度搵到佢㗎？」
個職員話：「喺樓下個休憩公園度。」
見到個女可以自己走落去公園證明佢冇事，所有人都鬆一口氣。
志文烏低身同個女講：「Daddy畀你嚇死囉，做乜醒咗都唔同我講聲，就一個人落咗去公園玩？」
程悅話：「我見daddy瞓得咁冧咪唔叫你囉，而且Charlie話想落去玩，所以我咪得埋一齊落去囉。」
敏儀同志文都聽到一頭霧水，於是問：「邊個Charlie呀？」
「 Charlie咪係啱啱同我玩嗰個細路囉。」
兩公婆依然唔知個女講緊邊方個。
呢個時間醫生過嚟話要同程悅做全身檢查， 見到個女奇蹟一樣好返，兩公婆都冇再問到底發生乜嘢事。
究竟Charlie係邊個？
未完待續