禁結之淚-BDSM真人真事改編: 1.全世界我最有病
眼前呢嗰女仔跪喺地上，白膩嘅頸上戴住一條黑色皮裝頸圈，水汪汪嘅雙眼，淚水喺眼眶內轉動更加突顯佢楚楚可憐嘅容貌。頸圈嘅另一端連一條冷冰冰嘅鐵鏈，而手執鐵鏈嘅主人就係我。
「你仲敢唔敢再犯？」我冷冰冰咁講。
「唔敢啦.......」她用懇求嘅眼神望住我，希望我放過佢。
啪！我一手打咗喺嗰個女仔臉上，「係咁樣回答主人㗎咩！」我怒目咁望着她。
她焦急回答「唔係。主人，對唔住。｣她個頭垂得好低，驚再畀我打。
「睇嚟你都係學唔識。」我一邊講一邊拎起放係隔離嘅皮拍，「再打多60下啦！」
「主人唔好。」她急住答，不斷擰頭。
我冇理到佢嘅求情，手上用力，將鐵鏈向上扯，個女仔失去平衡跌喺地下，輕輕咁踩喺佢頭上面。
「呀…!」
啪！啪！
聽到門外嘅拍門聲，即刻將手提電腦合埋，「咩事呀？」我大嗌。
「咁夜都仲未瞓。」係老豆把聲。
「得啦！我就瞓啦。」唔明點解世上嘅父母係都要打攪自己仔女深夜嘅自由時間，「你瞓先啦！」
突然被人打亂咗思緒，內心當然唔爽，頭先精彩嘅想像瞬間飛出九霄之外。放心，我唔係喺度睇緊「成人動作」片，而係睇緊嚟自台灣某blogger嘅文章。冇錯，係一篇有關主奴嘅文章。
每一個人嘅心入面都會有一啲與生俱來嘅慾望，逃避唔到，拒絕唔到。有啲係正常，例如對長髮情有獨鍾，鍾意着絲襪嘅女仔，鐘意「眼鏡娘」等。
但有啲癖好係未被社會大眾所接納，例如同性戀、孌童、NTR等。
當中有一眾社群亦喺呢個社會入面神秘地存在。近期虐戀文化喺社會上變得多人討論，出現咗好多電影同小說，電視亦唔難見到佢哋嘅蹤影，或者好多人會覺得好變態。
冇錯，我係呢個社群嘅一份子，呢個社群就係BDSM。
我叫阿林，今年22歲，只係一個平凡嘅大專生文科生，唔係含住金鎖匙出世，身高更加連170都未夠，外貌都係喺西洋菜街一個招牌跌落嚟壓死幾十個嘅四眼年青四眼仔，一生人入面冇乜偉大嘅成就，但一直都自認自己比其他人特別。
喺小學一、二年級嘅時候，睇到電影或者卡通片入面有女仔被壞蛋捉住，嗰個可憐嘅樣就令我覺得特別美麗動人，不自覺咁興奮。當時我仲未好清楚點解會有依種感覺。直至小五、小六，幻想變得更加瘋狂，幻想點樣綁架女仔返屋企、想買一個美女返屋企做奴隸等等。
當然，呢啲只係幻想。
同時喺好奇心嘅驅使下開始接觸AＶ。當時仲係上大眾論壇搜尋成人圖片嘅年代。而我第一個搜尋嘅關鍵字就係「性虐待」。
直到升上中學之後，更加確立我嘅性癖好，就係BDSM。甚至我揀AV嘅時候，只會睇呢個類型，因為只有睇呢類型嘅片先會有性興奮，並唔係單純為咗官能上嘅刺激同好奇，而相信係自己天生嘅性取向。
當然呢樣唔係咩風光嘅事，畢竟一旦畀人發現咗就會被冠上「變態」呢個污名，向家人同朋友又好難解釋，香港社會連同性戀都未接受到，更何況係BDSM。
中學時期有邊一個中學生唔會約一班朋友去屋企玩？有一次，我約咗一班同班朋友上我屋企玩，身為男校生，言談之間當然係不拘小節，傾吓啲私人話題都只係家常便飯。相信各位男士都最清楚一班血氣方剛嘅男仔會討論咩話題，況且係一班讀男校嘅細路，話題只圍繞一個字 —— 「女」！
每個男仔都會有自己嘅「秘密收藏」，我都唔例外，只不過我嘅收藏就真係秘密，輕則強姦情節，重則係重口味SM或者觸手，無一套係「正常」，我知道如果畀佢哋發現一定會「名留校史」。
「阿林，借你部電腦嚟睇下你啲收藏啦！」
其實一班朋友到訪家中，呢句說話一定會出現，我打開一個比較少人知道嘅成人影片瀏覽器，畀佢地自己搜尋。眼前佢哋搜尋嘅都係大眾，正常嘅ＡＶ，我喺隔離睇咗一陣，唔係話佢哋睇嘅片唔吸引，女優唔靚，只係吸引唔到我，企喺隔離都覺得悶。
「我嚟畀你哋睇下啲更加正㗎啦！」唔知邊度嚟嘅衝動。當下我打開咗電腦入面嘅一個隱藏檔案，裏面全部係我辛苦搜尋嘅重口味Ｈ漫（色情漫畫），我冇為意，將電腦交畀佢哋之後就去廳繼續看電影。
「嘩！」冇幾耐房入面傳出歡呼聲。
「咩事啊？」早就知道佢哋睇咗我嘅收藏之後會大驚小怪。
我一入房，見到我啲同學迫喺電腦面前，我擠入佢哋之中，睇吓究竟係邊一部Ｈ漫令佢哋有咁大反應。
「乜原來你睇埋依啲嘢㗎！」
到底「依啲嘢」係咩。
我望向電腦，見到佢哋打開咗一套叫【拷問館】嘅Ｈ漫，內容講述有兩個女仔畀一班蒙臉嘅怪人綁架拷問，【拷問館】係十分重口味嘅SM Ｈ漫。仲將女仔嘅手腳都劈斷吊起嚟，甚至挖眼出嚟，畫面係女孩冇咗一隻眼珠，血流滿臉可憐嘅樣。
「阿林，你鐘意屌眼窿。」佢哋懷著質疑咁笑。
其實我唔介意公開我嘅性取向，亦從來唔怕人哋眼光，我認為呢樣係天生嘅取向，反而會因為咁而覺得比其他人特別。不過我唔想同人解釋，驚麻煩之餘，大部份人都難以理解，我哋BDSM圈會叫佢哋做「香草人」。
身邊啲朋友都係香草人，只有小部分朋友知道我嘅興趣，知道嘅人比一隻手掌嘅手指仲少，但經歷呢件事情之後，全班傳遍我係變態嘅流言。即使係咁，「我係變態」嘅流言我又冇太大嘅抗拒，甚至有少少享受呢一種「特別」。
時間一直過去，呢個秘密一直隱藏喺我心入面，呢啲畫面亦都只能喺AV情節或幻想之中出現，現實冇可能實現。
直至我發現咗世上有一樣嘢叫「主奴關係」。