【真人真事】冤冤相愛何時曉？: 57.

我們帶著疲憊的身軀回到家附近時，已是晚上十一時多，別無選擇的我們只好去光顧大型跨國西餐廳，mcdonald，作為我們的晚餐。

就本人來說，我是不太喜歡這間餐廳的，皆因它又貴又難食，但對於周楉童來說，她就很喜歡食Mcdonald，有時路過也要走進去買包薯條吃，我是完全不能理解的。

來到十一月，我跟周楉童的拍拖日記開始平淡了下來，要去的地方統統去過了，她來過中大找我吃飯，我去過她學校接她放學，旺角尖沙咀銅鑼灣也去到厭了，基本上每次出街也是去那些地方，海港城呀朗豪坊呀等等，於是我們便開始把拍拖地點留在家附近，隨便吃餐飯，然後到海旁散一會步便回家，然後每晚聊一會電話便睡覺。

慢慢地，我們便踏入了在一起的第四個月，但自十二月開始，我跟她的關係好像變得越來越疏離，就連紀念日也沒有互相送禮物，只是出外吃了餐飯。

漸漸地，我跟她連一起出街拍拖甚或只是見面，也由每一兩天一次變成三四天才見一次，而聊電話呢，就差不多五六天才會聊一次，而且很快便會掛掉電話。





我：聽日出唔出街呀？

童：聽日唔得閒呀Sorry，我要溫書呀，就快考試喇我。

我：後日呢？

童：後日我要返學上堂呀，然後返屋企繼續溫書呀...

我：咁大後日呢，大後日得閒喇掛？





我不甘心的追問下去。

童：大後日我要同我老豆老母食飯唔得閒呀Sorry…我地過多幾日先再約啦

我：咁你今晚幾點打俾我呀？

我轉個話題，不能出街那聊一會電話總可以吧？

童：我好攰呀今日...不如聽日先打俾你啦？





我：哦...咁好啦，聽日先傾啦咁，你溫書加油喇。

我放下電話，失落地看了一會書，然後便去了睡覺。

如此情況，在往後數天多次發生，就算能見面，也只是短短十分鐘買一個外賣便完了。

終於，在一個深夜，我因為這件事而在床上輾轉難眠，實在忍不住想跟她談談最近我們發生了甚麼事。

我：我瞓唔著呀...你可唔可以同我傾下偈呀？

我在電話前白等了十多分鐘，才迎來她的回覆，但那就只是一個簡單的英文字母。

童：Y

我：我都唔知，但係呢排好似就係個人特別down同sad。





童：Tell me more。

我：Like最近我地好似好少傾電話呀出街咁呀...明明以前我地係點都會每晚傾電話然後隔日就出一次街，但係成個十二月過咗成十幾日，我地就只係出過三次街，傾過三四次唔過半個鐘嘅電話，有時你明明應承咗會同我傾電話，我等完好耐好耐之後，最後你又係話攰唔同我傾。唔傾電話都算啦，但係平時就算等你覆msg，都要等好耐好耐咁，有時我都開始懷疑自己係咪拍緊拖，我搵燒山傾偈佢仲覆得快過你，覆啲嘢仲多過你。我明你而家溫書要考試sem尾好大壓力好多嘢做，我都唔應該咁自私迫你陪我，但我話晒都係你男朋友，我都會掛住你都想同你講嘢出街拍拖...講真我都唔想咁唔開心唔想而家咁樣打篇文嚟話你，但係我真係控制唔到自己點諗。




得閒咪fol下我ig囉：maanyin05