【真人真事】冤冤相愛何時曉？: 30.

「好呀！」她想也不想便答應了。

本來我也只是抱著開玩笑的心態，壓根沒有想過她真的會答應，豈料她一口說好，這下反殺了我個措手不及。

「吓？你認真㗎？」我不可置信地問。

「係，緊係啦，你係邊吖？」

「errrr，呢個就有啲複雜喇，我係大浪灣，啫係筲箕灣再入去嘅一個沙灘。」





「我唔識嚟㗎喎，你要教我喎。」

「得啦得啦，你大概幾點到呀？」

「由我屋企嚟你嗰度要幾耐㗎？」

「個半鐘左右？」

「吓咁耐㗎！我以為係半個鐘㗎咋喎。咁呀...你預我兩個鐘後到啦，我而家換衫梳頭出嚟。」說罷她便掛掉了電話，而我則看著天上的白雲傻傻笑著。





隔了一會，我那群沒人性的朋友終於回來了。

「嘩你做咩瞓咗係度㗎！？」

「屌...我飲醉酒頭先嘔咗兩轉，你班仆街都唔發覺...食屎啦。」我說。

「吓...你唔係飲咗一支咋咩？」

「屌我地唔好講呢啲衰嘢住先，頭先我醉啦，跟住我打俾條女啦，然後佢而家話嚟接我返屋企。」一想起她願意特地從家裏過來大浪灣，我嘴角就藏不住笑意。





「得米啦你，一陣順手表埋白，掂晒。」一位女性朋友說。

「咁又唔好...我都係唔係好夠膽表白住。」

「唉，我地咪撚理佢啦，睇下佢個樣開心到，我地自己去玩算啦。」他們拿著沙灘排球又走開去其他地方玩，遺下我一人躺在沙灘上獨自沉醉於自己的幻想之中。

之後的一段時間，我都是躺在沙灘上度過，偶然周楉童會打過來問路，偶然我的朋友會走過來關心我一兩句。

去到後來，我酒醒得七七八八，便站了起來，在夕陽映照下跟他們一起玩沙灘排球。

「喂！我到喇，你係邊呀？」周楉童打給我說。

「哦好好好，我而家過嚟搵你。」我立即把排球隨手一拋，跑過去沙灘入口位找周楉童。

才一跑到入口位，我就看到周楉童手拿著一盒朱奶，站在入口位四處張望。





「喂！又話醉嘅！點解可以咁精神咁跑出嚟搵我㗎？」她不滿地打了我手臂一下。

「Well，頭先打俾你嘅時候係醉嘅，但係都過咗兩個鐘...醉都變唔醉啦。」

「哦，咁啫係唔洗我啦，咁我走喇。」她作勢轉身離去。

「咁又唔係咁又唔係，我其實都仲係有少少醉，唔知又靚又好人嘅周楉童小姐可唔可以送我返屋企呢？」

「哼，醉就飲咗佢啦，我頭先上網睇飲奶可以解酒，特登係七仔買俾你㗎。」她把朱奶塞進我手中。

「嘩乜原來你咁貼心。」我邊飲著那包朱奶邊說。


得閒咪fol下我ig囉：maanyin05